48 n uzrf n tnaya
48 n uzrf n tnaya (1999) iga yan udlis n ussiws n yiman win umara Amirikan Robert Greene. Adlis ad iga yan sɣ idlisn lli akkʷ nzanin, ig yan Best-Seller n New York Times, nzant gis uggar n 1.2 mlyun n tunɣilin ɣ Iwunakn Imunn n Marikan.
Asatl
[ssnfl | Snfl asagm]Isrs Greene iswingimn imzwura n udlis '48 n uzrf n tnaya' lliɣ tt inn ikka ar iswuri ɣ tirra ɣ Hollywood, lliɣ d iḍi is d tufrint n tnaya n ɣilad ssarn kra n irfsan rwasnin win mddn dusnin n umzruy. Ɣ usggʷas 1995, iswuri Greene iga amara ɣ Fabrika, yat tinml n tẓuṛi d umidya, lliɣ imnaggar d yan bab n idlisn ism as Joost Elffers.
Greene imla i Elfrs yan udlis isawaln f udwass d tnaya, sḍis n iyyirn sul, ittr as Elfrs ad yara yat tiḍit n usnfar.
Mqqar ur bahra imurwi Greene s twuri ann nns, macc isunfa as, iɣal is d tirra n wan adlis ann gis yan imizi mqqurn ɣ waddad nns. Imil ɣakudann, Greene ar daɣ yaqqra f tudrt n Yulyus Aqiẓaṛ da yuggm kigan, yiwi askan sɣ dar mad iskr Aqiẓaṛ lliɣ izgr asif n Rubikun bac ad immaɣ d Bumbi, aylli isrgn ɣ imnɣi uɣrim n Uqiẓaṛ, Greene yura tiḍit nns, lli rad sul ig adlis n '48 n uzrf n Tnaya. Iskr ɣ tizi ann is tga asru n unfal imqqurn ɣ tudrt nns.
Tumayt n udlis
[ssnfl | Snfl asagm]Ar ismuqqul udlis n '48 n uzrf n tnaya' ɣ 48 n iẓmmuẓẓal ursiln afad ad igru imɣri mamnk s ad ittnawal yan tanaya nns issidwis tt. Izrfan ad ursiln gan yan ugraw n tuskirin, d iswingimn d tɣarasin nna s ad ittafa yan ad issn ad itthḍaṛ ɣ 'urar n tnaya'. Greene ar t issfru, idum s imk ifawn, manmk a s tẓḍaṛ tnaya ad tg tamursant ɣ ussimɣr n tgrdiwin n twuri.
1) Amzwaru n izrfan: Ad jju ur tnfalalt f umagr nnk
[ssnfl | Snfl asagm]Rar bdda willi k ugrnin ad ssyafan is llan ɣ uflla. Ɣ twarɣt nnk ad tn tssusmt niɣ d ad tn tssakunt, ad ur tssgutt ɣ ussmid n mad tssnt d ma mi tẓḍaṛt, acku iẓḍar ad k yawi s ma imgalan d ɣmkann—ad tzzuzurt tikṣṣaḍ d uzziwz ɣ wul nns. Ajj imagrn nnk ad ttnfalaln zun d is ar ssmrɣan uggar akkʷ n mamnk ad gan ɣ tilawt, ɣikann rad tlkmt ɣilli yattuyn n tnaya
2) Wis sin n izrfan: Ad jju ur tettggat taflst iggutn ɣ imddukkal nnk (LMD MANMK S RAD TSSMRAST INAFAN).
[ssnfl | Snfl asagm]Rar taɣḍft sɣ imddukkal—acku nttni rad k kndn s tazzla f tusmitin da gisn ittilin s ma irxan. Iggut iɣ ad ttggan d id murran, lkun k. Macc iɣ d tiwit kra n yan nna tt inn ikkan iga inifi nnk, rad dars tettafat yat tuɣad inran tin umddakkl, acku ar fllas ittili ad ak tt immal. Ad idusn, kṣuḍ imddukkal nnk uggar n ɣaylli tkṣuḍt ɣ inifitn. Wanna dar ur llan inifitn, ad isiggil manmk ad tn iskar.
3) Wis kṛaḍ n izrfan: ssntl ubukn nnk (Aylli s ttummalt ad tskrt)
[ssnfl | Snfl asagm]Ajj middn ad jlun, ilin ɣ tillas s ussrks n uwttas lli illan ɣ tiɣrdin n tuskirin nnk. Iɣ ur ssinn mad trit ad tskart, rad ggammin ad ssujadn i kra n unḍaw. Awi tn inn s yan uɣaras illullin, ssdɣs tn inn ɣ wammas n waggu, ukan ilmma iɣ akkʷ sul ukzn maɣ ad tswingimt, rad tn izri uzmz.
- Agzzum I: ssmrs tiqillaf n uwnaf d tiknnad afad ad tssaggugt middn.
- Agzzum 2: ssmrs isntal n waggu afad ad tssrkst tuskirin nnk.