Aɣilas amaziɣ
Aɣilas ad illan ɣ twllaft iga aɣilas iggʷran ɣ wanaw n iɣilasn imaziɣen ɣ ukraf, immut ɣ 24 dujnbir 2007 ɣ usglf n iɣilasn ɣ "kaṛulayna", dffir lliɣ yuḍn s yat tmaḍunt ixʷcnn ɣ uḥlig nns, ilmḍen tadusi nns d immut dars 17 n usggʷas, d mayad ad issxsin tinirt n iɣilasn imaziɣn illan ɣ ukraf. Ar ittuẓla uɣilas amaziɣ mas igzzul f uɣilas awfṛiqi macc tafkka nns tzur fllas, ɣ usggʷas n 2006 ttwafan kra n idrizn n uɣilas amaziɣ ɣ yiffus n dzayr ɣ lhugar, d ufan-tn daɣ ula ɣ Umṛṛuk ɣ 2007, d ar ttinin kra n isugʷam mas illa kra n 20 ar 30 n uɣilas ɣ Umeṛṛuk ddrn ɣ tasgiwin iẓlinin i yaggugnin f ɣilli iɣ izdɣ ufgan ɣ laṭlas d zzrin yad anaw ad n iɣilasn ɣ tabadut n "الجزيرة الوثائقية" ɣ ugama nns ɣ idrarn n laṭlas amjahdi iḍfuṛ kra n udadn attn igʷmr d mayad ad izzgin mas sul llan iɣilasn imaziɣn, waxxa drusn. Macc iɣ iɣama wawank n Umṛṛuk igun s zund ɣikad d ur nn igi tuggas nns afad ad yuggẓ f umudr ad imsmigln s ufuḍ icqqa is ar a yeɣama ɣ tudrt.