Yan ugayyu itkarn s imnḍṛn

A Head Full of Ghosts (s Tclḥit: Yan ugayyu itkarn s imnḍṛn) iga yan ungal n ussiwd lli d iffuɣn ɣ 2015, yura t umara amarikan Paul Tremblay. Tanfust ar tsawal f yat twja ɣ tmnaḍt n Massachusetts lli d taɣ yat tassast n iqaṛiḍn d tassast tawrnant. Illitsn, Marjorie Barrett, lli ilan 14 n usggʷas, ar d tmmal timitar n yat tmaḍunt iqjrn n uswingm. Ayt tgmmi n Barrett ssntin ad ttɣaln is d Marjorie tettyawzdaɣ. Addad nns iẓṛa tt ugdud kiɣ tzri tawja ɣ yan usddi n "TV n tilawt". Merry Barrett, ultmas imẓẓiyn n Marjorie, ar d tettals i ma izrin ɣ tmẓi nns 15 n isggʷasn ḍaṛat.

Ungal ar isawal f imrsiwn zun d assufɣ n imnḍṛn ɣ tɣarast takatulikt d tnsbaɣurt lli iskar tiliẓṛi n "TV n tilawt".

Tremblay irzf ungal ad i Shirley Jackson. Tuggt n middn ẓṛan is d A Head Full of Ghosts irwas nit ungal n Jackson lli mi ismn We Have Always Lived In The Castle (Nddr bdda yadlli ɣ iɣrm) ɣ wallas ula ɣ imrsiwn. Ula ism n "Merry Barrett" ar d issktay ism n "Merricat Blackwood".

Ungal iffaɣ d ɣ 2 Yunyu 2015 sɣ dar William Morrow, yiwi sis tasmɣurt n Bram Stoker Award n Ungal (Novel) ɣ 2015. Tamsmunt n Focus Features tumẓ izrfan afad ad tskr yan ifilm f ungal ad.

Asgzl

Meredith "Merry" Barrett, da dar 23 n usggʷas, tbdr tiɣawsiwin ẓẓmawnin da ssutlnin i ultmas Marjorie, lli tzzri tawja nnsn ɣ yan isddi n tilawt (reality TV) ittyawssan s yism n The Possession 15 n usggʷas ayad. Tettyawsastan sɣ dar bab n usrsl, Rachel Neville f yan udlis ittinin kra illan d lli issififn tidt sɣ mayad n uɣawas d wumiyn uɣrimn n mddn, macc Merry tnna is d ikttayn nns, mtutln s wakud d wawal n wiyyaḍ. Ɣ tẓṛigin n usɣnab (blog posts), Karen Brissette ar daɣ tssurri The Possession d mad fllas nnan mddn.

Lliɣ dars 8 isggʷasn, Merry tuggm bahra ultmas Marjorie lli dar 14 n usggʷas, tggammi ad tfrk i tmukrist lli yutn tawja nns. Babatsn John, war tawuri, yurri d iga akaṭuli (Catholic), mayad issnkr imukrisn gr as d taldni nns Sarah.

Marjorie tssnti ad tnṣaṛṛaf s kra ur inimn, aylliɣ ɣaln mddn is tuḍn s taskizufrint (tamaḍunt isngirin afgan d tilawt), tmmndl s imnḍṛn (demonic possession), slawan lliɣ as ur issugr, usafar n imsgnafn walu, Marjorie ar tettals i Merry kra n tnfusin utmnin, ar sdukkunt, d ar tskkalnt s tgnart nns ɣ dyiḍ. Ar nit tettini is ar tssflid i imslitn ɣ ugns n ugayyu nns, ar tt tettaɣ tayrnit, d ar tsididi is rad tskr kra ixʷcnn i ultmas mẓẓiyn. John issigr ad sul ur zzigin asafar n imsgnafn, ifk tanilt i uqssis (priest) n taqʷnist nnsn lli t ur igin amr babas Wanderly, ifls dɣ nttan is d Marjorie tmmndl.

Acku f tmukrisin tuqṛiḍin lli yutn tawja, turg Sarah ad tili Marjorie ɣ usmnu n The Possession, lli rad iml "ammndl" nns d ussufɣ n gar iman lli gis zdɣnin. Lliɣ zzrin yan wallas n iskkirn n Marjorie ɣ lkamiṛa, yan uzddal n usaru n TV ikka dar tigmmi n Barrett afad ad ssulfn tudrt nnsn kullu.