Alice in Chains
| Asakud n ussrsl nɣ isllwi | 1987  |
|---|---|
| Début de la période d'activité | 1987 |
| Discographie | discographie d'Alice in Chains |
| Tamazirt | Iwankn Munnin n Marikan |
| Lieu de fondation | Seattle |
| Anaw n tẓuṛi | grunge, metal alternatif, rock alternatif |
| Label discographique | Columbia Records, EMI |
| Pays d'origine | Iwankn Munnin n Marikan |
| Asit amaddud | http://www.aliceinchains.com |
| A un compte sur | PureVolume |
| Catégorie pour les membres | Catégorie:Membre d'Alice in Chains |
Alice in Chains (asgzl nns: AIC) tga yat trabbut n uṛuk tamarikant, tettussrsal ɣ Seattle (Syatl) ɣ 1987. Zɣ 2006, ismun ussunck n trabbut afukalist/amhḍḍṛ n udinan Jerry Cantrell d William DuVall, amhḍḍr n ubays Mike Inez d umsgʷbal Sean Kinney. Ikka tt inn gis ula ufukalist Layne Staley d umhḍḍr n ubays Mike Starr. Tuwi d trabbut ism nns zɣ trabbut izwarn n Staley Alice N' Chains. Mqqar tettussan trabbut is tga trabbut n ugṛanj, tamamkt n uhḍaṛ nns d ismlli nns kkan d ahifimital. Tettussan trabbut ad s manmk ad ittgga imslli nns lli iẓlin, nna ismmunn imsllitn msackanin n Staley d Cantrell (Cantrell d DuVall ɣ tgara).
Tlkm Alice in Chains tasusnt tamaḍlant ɣ id tẓamrawn imzwura gr mnnawt trubba n Seattle zun d Nirvana, Pearl Jam, d Soundgarden. Mmuccḍn amurs ɣ tizi ann s id walbum n Facelift (1990), Dirt (1992) d Alice in Chains (1995), ɣik ann d extended play Jar of Flies (1994). Tḍṛ trabbut ɣ yat tizi n urzaḥ zɣ 1996 s umnid, kʷman t id mnnaw yisragn zun d ungaḍ n Staley, lli isrgn tamttant nns ɣ 2002 lli igan agʷri i trabbut. Tmun daɣ Alice in Chains ɣ 2005, s iɣ as ikcim DuVall ɣ 2006, s twuri n umhḍḍṛ n udinan anmawi d tdrawt ɣ imslli. Zɣ ɣ akud ann; tettḥi d trabbut kṛaḍ id walbum Black Gives Way to Blue (2009), the Devil Put Dinosaurs Here (2013) d Rainier Fog (2018).
Zɣ ussrsl nns, tettḥi d Alice in Chains sḍis id walbum, krḍat id EP, kṛaḍ id walbum usridn, kkuẓt id compilation, sin id DVD, 43 ufidyu amẓawan d 32 id singl. Tzznza trabbut uggʷar n 30 id mlyun n ususr ɣ umaḍal, gisn uggʷar n 20 id mlyun aɣar ɣ Marikan. Teṭṭaf 18 n Top10 ɣ Billboard's Mainstream Rock Tracks chart d 5 No.1 Hits, tlkm yan d mrawt n tmnkad n tsmɣurt n Grammy. Tettusrar trabbut ɣ umḍan 34 ɣ VH1 100 Greatest Artists of Hard Rock , tsrs tt Hit Parader ɣ yida wiss 15 ɣ trabbut tusridt akk ixatrn.