Amsawal:Ayt Baɛmran

Tiwizi?

Azul a mass @FaskaUba. Ur anniɣ ma f rad nssmras "tiwizi" s unamk n "taqbilt", uggar n yifḍ n usggʷas ad izrin f aylli ibdr U Tunart (iɣ iṣḥa zwar), anamk nns ɣil-a dar 99% n iclḥiyn iga t "travail collectif" d mad t inn iwalan... --AguzulH (amsawal) 17 Ibrir 2025 à 19:01 (+01)

Ahul a mass @AguzulH. Ufnt bdda tguriwin tiẓuṛanin timzzatin, sɣf unck nna hati iqqan anɣ d ad d akk sul nsurray tiguriwin mmutnin! Ucuḍ anamkan ar ittili d nttan ad ijṛan i tguri nna, ɣik ann ur anɣ ittkkis ad tt nssmras s unamk nns azayku, zun d mnnawt tguriwin ṭṭfanin mnnaw yinumak nna ittyikizn zɣ usatl n wawal. I wanna akk iksuḍn ammrks gr yinumak iẓḍaṛ ad isngiri gr "Tiwizi"(taqbilt) d "Tiwisi"(tawuri tagrarant), tamggarut ad ad akk bahra idttan iɣ niwi f waẓaṛ lli d tkka "aws" FaskaUba (amsawal) 17 Ibrir 2025 à 19:28 (+01)

Ufnt bdda tguriwin tiẓuṛanin timzdatin? Aya iga subjectif, iɣ iga uwttas n yan ad issizdig tutlayt, isɣus tt, yah, iɣ iga uwttas nns ad lkmn wumlan amḍan mqqurn n mddn, uhu.

Iɣ nɣal is d "aws" a ɣ tffuɣ tguri nna, yah, illa ɣinn wucuḍ n unmak, macc ur d s tanila nna. Anamk amzwaru n "Tiwizi" (< tiwisi) ila asɣun d "المساعدة والتعاون", yimɣur unamk ilmma aylliɣ gis ikcm wamun n mddn nna ittmyawasn (aqbil). Ur igi unamk asilan n tguri "Taqbilt", aya iga ɣar "semantic expansion".

Skud llant darnɣ tguriwin yaḍnin nna anɣ issanafn tagnamkt, yuf ad tnt nssmras, slawant akkʷ iɣ yad inɣuba unamk ad uggar n yifḍ n usggʷas aya, yiliḥ t akkʷ ɣ tmaziɣin yaḍnin tirarin.

Iɣ k akkʷ ur tssusim "taqbilt" acku tga tuṛḍilt, ha nn tlla "Tawist" lli ttini ɣ Infḍwak (iɣ nssiḍn ils nnsn is iga ɣ Tclḥiyt sul) d Ṭaṭa, tili ɣ dar Imuzaɣ (Itargiyn) "Tawcét" dɣ nttni... --AguzulH (amsawal) 17 Ibrir 2025 à 20:34 (+01)