Artimis wis kṛaḍ
Artemis III iml ad ig amuddu amzwaru n ufgan ɣ uguz nns f iggi n wayyur d wad iḍfṛn aɣawas Artemis, ig amuddu amzwaru n kra n tanawt ittasin middn n Starship HLS.[1] Artemis rad ig asmigl wis sin n yan Artemis ittasin middn, d iris amzwaru f iggi n wayyur sɣ lliɣ gis iggʷiz Apollo 17 ɣ wayyur n Dujambir n usggʷas 1972.
Sɣ brayr 2026, tetam NASA s ma igan amaddud, mas d assnti n Artemis wis III, ur rad izwur asggʷas n 2028. Turri d f imukrisn n uɣri n trɣi ɣ tanawt n "Orion" d uṭṭul ɣ uzzigz n twuri n "Starship", nnan imstaggarn n NASA is iẓḍaṛ ad yayl Artemis III bla yusi middn s wayyur. Ttyafan daɣ kra n imukrisn ɣ tiraf (valves) n ungraw n wawwas n tudrt ɣ wasa n tanawt.
Asmigl ad, iẓḍaṛ ad ig ɣar yan urzaf n imsayrarn s "Lunar Gateway" (Taggurt tamayyurt). Ɣ Brir 2024, ittyaway mas d yan ustay yaḍnin n usmigl ar t inn tssutug NASA, ikcm gis yan irim n uzday gr "Orion" d "SpaceX Starship HLS" ɣ usutl yadrn n Wakal.
Aflla n wawal
[ssnfl | Snfl asagm]Awttas n Artemis iga t ad izzugz yat tgrumma ɣ tsga n wanuḍ n iffus n Wayyur. Asmigl rad gis ilin sin imsayrarn rad ggʷizn f iggi n wayyur afad ad gis kkin attayn n yan imalas. Ɣiklli s tnna NASA, aɣllul lli rad ikk usmigl s taywult nns rad ilkm ikti n 30 n wass.[2]
Mqqar llan ar kra n kkuẓ n inmudda lli rad issudu ɣ tanawt ann n "Orion", sin gisn hlli a rad iggʷiz f iggi s ugmmaḍ n tanawt n "Starship HLS", d wiyyaḍ rad ɣaman ɣ ugʷns n "Orion". Ujadnt kkuẓt id twada ɣ usayrar (spacewalks) i sin inmudda ad.
Yat tadla n tannayin tettyawskar, illa gis ad asin yan unck n waman grsnin sɣ wayyur.
Tisuɣal
[ssnfl | Snfl asagm]- ↑ "NASA Provides Update to Astronaut Moon Lander Plans Under Artemis - NASA" (s tutlayt anglais américain). Retrieved 2026-02-10.
- ↑ "Artemis III - NASA" (s tutlayt anglais américain). Retrieved 2026-02-10.