Birlin

Birlin (/bɜːrˈlɪn/ bur-LIN; Talimant: [bɛʁˈliːn]) tga tamaẓunt d tɣrmt akkʷ imqqurn n Lalman s tmɣuri nns d wuṭṭun n imzdaɣn . S 3.7 mlyun lli gis illan d imzdaɣn, tuti tɣrmt ad tiɣrmiwin akkʷ lli llanin ɣ wagns n tamunt turubbit. Tiɣrmt ad tga daɣ yan ɣ iwalan n Lalman, tg tankaḍt tis kraḍṭ ɣ tmazirt ɣ mad iẓlin s tsaragt nns. Tssutl i Brlin tnkaḍt n Brandnburg, ula tamaẓunt nns lli tt igan d Futsdam tlla tama nns nit . Ɣ wagns n udɣar uɣrim zdɣn kra n 4.6 mlyun id mlyun n mddn, ig gis mayad tasga tamiṭṛubulitant tis snat tiɣʷrdin n tsga n Rrin-Ruhr, tucka d sul ɣ udɣar wis smmus ɣ tamunt tuṛubbit ɣ mad izdin s watig n GDP.

Birlin ad tettyawbdar tiklit izwarn ɣ tasut tis 13 tiɣrdin n tlalit [10] tili ɣ ugrbrid n sin iɣarasn mqqurnin n tsbbabt [15]. Ẓlin tt ad tg tamaẓunt n Tmargrafitrg (1417-1701), Tagldit n Brusya (1701-1918), Tamnukda talimant (1871-1918), Tagduda n Bimr (1919-1933), d lalman n inaziyn (1933-1945). Tkka tt inn Birlin tga ammas n tussna, taẓuri d tflsaft ɣ uzmz n tfawin, Nyutaklassikt, d tagrawliwin n ijrmann ɣ 1848-1949. Ɣ wussan n "Gründerzeit", tssn yan ubzag adamsan iḍfṛ tamguri ittigutn ɣayann ad yujjan ad bahra gis ggutn mddn. Ɣ ultay n 1920, tga Birlin tis kṛaḍt ɣ tɣrmiwin lli akkʷ mqqurnin ɣ umaḍal s mnck n mddn lli gis illan [16]. Lliɣ imda imnɣi amaḍlan wis sin, tettɣi almanya ddu usdurri, tbḍu Birlin s sin: Berlin n Utaram d Berlin n Ugmmuḍ, ikk gratsn yan imiri nttan ad tn iẓlin [17].