Camxat

Camxat
être humain de fiction, personnage littéraire
Anaw nɣ asrtu	unti
Présent dans l'œuvre	Umiy n Gilgamic

Camxat (s Takadit: 𒊩𒌑𒉺, tettusmma Camkat ɣ tunɣilt Tababilt Tazaykut n Gilgamic)^[1]) tga yan twrikt nna infalaln ɣ talluḥt I d II ɣ wumiy n Gilgamic d tettubdar ɣ talluḥt VII. Tettusnfalal is tga tamhiyst tafuẓaṛt, mqqar illa mad yutn ɣ usnml ad, rad tg asrag imqqurn nna yujjan Inkidu argaz iḍuẓn ad ikcim s tɣrma.

Ɣ wumiy

Turar Camxat yat tilalt ixatrn ɣ Talluḥt I, ad tt igan d ussgrd n urgaz iḍuẓn Inkidu, nna ɣnan nɣ d snulfan wakucn fad ad ig anggu nɣ afna n Gilgamic. Tkka tt inn Camxat tga tamhiyst tafuẓaṛt n tmẓẓallut nɣ d harimtu.^[2] Issmrs tt ungʷmar fad ad tssmrs afulki nns afad ad tettḥi taḍuẓi ɣ Inkidu, tsskcim t i tɣrma s tuskra n tayri. Tettyaway nn s uɣbalu ɣ nn yadlli ittuẓṛa Inkidu, tml ilmma ixf nns i Inkidu. Rad igun d Camxat "sḍis ussfan d sa n waḍan" (ittyafay yan ugzzum ɣ 2015 ittuɣra ilmma ɣ 2018 rad inna ma s skrn tayri mad ittggan sin imalassn, d yat tizi n usnfu ɣ rad msawln f yimal n Inkidu ɣ Uṛuk^[3])).

S tgṛẓawt i Inkidu, ḍarat tizi ad izzri ɣ tuskra n tayri, rad gis iksiḍn yismmunn nns imudar duẓnin lliɣ t ẓṛanin ɣ dar ugʷdm n waman lli ɣ ar ssan. Rad t sul tsnaẓa Camxat ad tt icukku yamu ɣ umaḍal uɣrim ɣ yiɣrm nɣ d tamdint n Uṛuk, da f iga Gilgamic agllid, ifl tudrt nns izwarn ɣ tagant. Zɣ akud ann rad gin Gilgamic d Inkidu imddukkal drun mnnawt tmsksalin (rad zwirn s Tagant n Yidgl d unmuqqar d Humbaba).

Lliɣ ar ittmttat Inkidu, rad isnfalal amɛiqqir nns f Camxat lli as izwarn s tɣrma, icttf tt lliɣ as tzwar s umaḍal amaynu n tɣawsiwin t glinin s tmttant nns. Inɛl tt fad ad tg tamzwagt(outcast). Macc rad d isskʷti wakuc Camac i Inkidu ma s as tkfa Camxat ad icc d ad ils ur ta immaqqar d Gilgamic. Rad d ilmma iknu Inkidu isbuṛk tt, yini is rad tt akk irin irgazn d is rad as d ttawin tirzzifin n yiqcucn.^[2]

Tisaɣulin

↑ Stephanie Dalley (2000) Myths from Mesopotamia, Creation, the Flood, Gilgamesh and others, revised edition, Oxford University Press, p.137.
↑ ^a et ^b Ditmore, Melissa Hope (ed), Encyclopedia of Prostitution and Sex Work, Volume 1, Greenwood Publishing Group, 2006, pp.34-5.
↑ Sophus Helle (2018) New Gilgamesh Fragment: Enkidu's Sexual Exploits Doubled World History Encyclopedia

[1] Stephanie Dalley (2000) Myths from Mesopotamia, Creation, the Flood, Gilgamesh and others, revised edition, Oxford University Press, p.137.

[enc-2] t ^b Ditmore, Melissa Hope (ed), Encyclopedia of Prostitution and Sex Work, Volume 1, Greenwood Publishing Group, 2006, pp.34-5.

[3] Sophus Helle (2018) New Gilgamesh Fragment: Enkidu's Sexual Exploits Doubled World History Encyclopedia

[1]

[2]

[3]