Janti

Rays Lḥusayn janti

Janti yan ɣ imagrn iqburn n rways imaziɣn. Ig anaẓur d umdyaz n isggasn imzwura n tusut 20. Iga janti d saεid actuk d Unccad tinml icṛmḍn lli dar usin rways da tn id ḍfarnin awal d tmdyazt lli lanin yan watig imqqurn.

Ilul ɣ tqbilt n wactukn mad yaẓn i usggʷas n 1900 iswa d ɣ tẓuṛi n ṛṛways d yimis n tasswisit d rribab lli ganin sɣ wayda n tsga.

Rrays ad yiwi t umarg amaziɣ yutn s iẓuṛan ɣ tsga n wactukn, ilmd imassn imẓẓi nit sul, lliɣ iẓṛa tifadiwin n tudrt n twja nns d mamnk a s ddrn iskr ad immuddu s wanfa ad gis isiggil kra n twuri ntta d gʷmas mqqurn. s uwtay nns mẓẓin issnti iga amswuri dar yat tmɣart tafṛansist, s irfsan nns cwanin ukan tssnti ar as taqqra s « junṭi » amagnu « gentil ».

iddr janṭi gr tugtt n ifṛansisn, issn ilmma anaw n tudrt nnsn d umzaray gr uswir n tudrt nnsn d win imɣrabiyn, tfdaddi d gis tayri n tmazirt, yasi rribab nns issnti ar ittkka usunn, ar ikkat ɣ tsrtit n umsdurri d winna tn iwalan sɣ imɣarn.

ar bdda yaqqra janṭi ɣ imurig nns s tgrawla mgal amsdurri, s uswir ad nns ɣ ur llint tkṣṣaḍ, iɣts umddurruy ad t iqqn ɣ uɣzu mnnawt twal, d mnnaw yirn ɣ tznit d wanfa d ugadir nna ɣ ittkrfn asggʷas n 1953.

isul janṭi ɣ tmdyazt lliɣ tssnti tsimant maca ur bahra iḥml tifawin d wasiddn, ur izmmem timdyazin nns ɣ tnzwayt tanamurt ula ɣ tmssurin ittzmmamn amarg. amarg nns ittunna ɣas ɣ iwizn d tfugliwin. immut ɣ usggʷas n 1975.

Tudrt

Ilul d rays lḥusayn janti ɣ usggas n 1900 ɣ u dwar n imzil, ɣ Biygra, 44 km d iɣrm n Ugadir tasga n Sus. Assaɣ ns amzwaru igat lhusayn uεbdullah ubrahim niɣ Bumalk . Mac ittuyssan bahra s Rays Lḥusayn Janti.

Iskraf n unazur

Ittamaz janti mnnawt tawt twal f iwaliwn ns ḍiḍ n fransa lli yumzn tamurt n umṛṛuk. ilin ɣid iwaliwn zund mit ad sa issuttuy tagrawlla ar tffaɣ fransa tamazirt n umṛṛuk.

Ur aneh imelk urumi s ifadden ula lbarud

Ur aneh imelk amr s uqqarid hati ihelk ah

d:

A imuselmn rar ad l3aqql awahwa nnun

Izd lmut af tekSûdm hann tqqand ukan.

niɣd zund:

Walaynni immim uggern d tajin n lghelmi d watay

Wanna ten icttan urran ig lktaf ad chrrun

Iǧzzumn

Iggig

A bislmillah a narm awal ini sul as nssn

Ad anɣ ur jlun, ur k ufiɣ mayyi k immaln

A tawrut tjla lah imksawn yuru uccn

Icca ak izammaren, yurri ar inqqa tattn

Ur nssn is igumml nɣd is ira ya tnt ikmml

Ittut iggig, iriz w asif, aman mxwidn

A man aεwwam izdarn a izray imuslmn

A xwlan uggugen, frɣn isura, laḥ ixummasn

Sul a ǧma bab w urti ittaf ukan arratn

A ggutn imkkusa kiwan usin lḥaqq ns

A mmaɣn iɣrdayn f taffat kiwan inna tinu

Mra is ḥadrn imucca ra tili lunast

Iɣ indr izm, iksudn irεman ur a sawaln

Izdayn n brra

rays lḥusayn Janti Janṭi