Ludufiku Firrari

Zɣ Wikipedia
(Tmmatti d zɣ Lodoviko Firrari)
Aller à la navigation Aller à la recherche
Ludufiku Firrari
Tudrt
Talalit Bologne, 2 Fuṛaṛ 1522
Tamttant Bologne, 5 Tuber 1565
Tiɣri
Thesis director Jérôme Cardan
Tawuri
Tawuri amusnak
Imɛellmen université de Bologne  (1564 -
Influenced by Jérôme Cardan

Ludufiku di Firrari (s Tṭalyanit: Lodovico de Ferrari) (2 brayṛ 1522 – 5 ktubeṛ 1565) ikka t inn iga yan umusnak awṭalyan.

Tudrt nns[ssnfl | Snfl asagm]

Ilul-d g Bulunya, issnta "carrière" nns zun d umawas dar Jirulanu Kardanu. Tuman dar Ludovico yat tḥṛci icwan kigan, ayann af iɣts Kardano ad as isslmd tusnakt. Ittawssan s ufrru nns i tagda "kwartik", nna ifsr Kardano ɣ warra nns Ars Magna. Ɣ tɛurrma nns, iɣiy ad yamẓ yat tsɣnt n usslmd ilan atig ɣ Ṛuma, ḍart mad yumẓ gis Cardano tanaft nns ismmtr as tt. Iskkus Firrari ɣ twuri nns lliɣ ilkm 42 usggʷas, isul ukan imẓẓi akud nna, yili s wayda nns[1]. Yuḍa s tɣrmt nns n Bulunya, izdɣ d ultmas Maddalena nna igan yat tdgalt, iqbl yat tsɣnt n usslmd n tusnakt ɣ tɣiwant n Bulunya asggʷas 1565, maca ḍart uynna s yan imikk, immut s ustci n uzrnix umlil (white arsenic), f uynna ittini umata; ultmas ad d ikka lḥal.[2]

Tanfalit Cardano-Tartaglia[ssnfl | Snfl asagm]

Asggʷas n 1535, ibbaqqi gr Firrari d yan ggu uzmz nns nna igan s yism Nikkolo Fontana Tartaglia yan umcubbk ittwassnen, ɣ mad iqqnen s usfru n tagdiwin "kubik". Tullisin nna, n wis izzri Tartaglia akkʷ aynna as iɣaman ɣ wussan nns; da ittarm ad gis ixlu tisllit n umɣar nns amzwar d uslmad n Firrari akud ann, irwas uggar is d ɣar ibaḍan ad gant.[3] Imussnawn n umzruy n yimusnakn ɣassa, da ttraran ajmil n usfru n tagdiwin ad i Kardano d Tartaglia s sin idsn, da as ttggan s yism "tanfalit Cardano–Tartaglia" (Cardano-Tartaglia formula).

Isaɣuln[ssnfl | Snfl asagm]

  1. Smith, D. E. History of Mathematics, Vol 1 (New York: Dover Publications, 1958), p. 300
  2. Gindikin, S., Tales of Mathematicians and Physicists (A. Shuchat, Trans.). Springer; 2007. ISBN 978-0-387-48811-0. p. 18
  3. Rothman, T "Kardano v Tartagliya: The Great Feud Goes Supernatural".

Ɣr uggar[ssnfl | Snfl asagm]

Ɣaylli sis izdin[ssnfl | Snfl asagm]

Amnni ad iga amud izdin d ixatarn d Iṭalyaniyn ttussannin lli isbuɣlan tamassant d tẓuṛi. Aws i Wikipidya s usnfl nns, tssimɣurt t.
Taẓuṛi