Maḥi Binbin

Maḥi Binbin
afgan
Anaw nɣ asrtu	awtm
Tamazirt n tɣlant	Lmɣrib
Asakud n tlalit	1959
Ida n tlalit	Mrrakc
Tutlayin s ar isawal nɣ s ar ittara	Tutlayt Tafransist
Tawuri d mad isala	artiste peintre, sculpteur ou sculptrice, amara nɣ tamarat
Tazduɣt	Mrrakc
Asit amaddud	http://www.mahibinebine.com
Statut des droits d'auteur du créateur	œuvre sous droits d'auteurs

Maḥi Bnebin iga anaẓur ameṛṛakci d amara d aṛeccam d anemsal amesneflul, tugenna nna ɣ d-yusi ugellid Muḥemmad wis ṣḍiṣ kigan n tifilin nns. Anaẓur d ullis Maḥi Bnebin ilula ɣ 13 kubṛayṛ aseggʷas n 1959 ɣ asun n Riyaḍ Zzitun ɣ Umur n wakuc, izzeri dis tamẓit nns. Maḥi Bnebin llan dars ṣḍiṣ n aytmas gen ḍfir n tizemmar n mma nnsn ixatarn d n tmazirt-a. iffeɣ Maḥi Ameṛṛuk s tmizar aḍnin, dat ad-aɣul aseggʷas n 2002 s Amur n Wakuc izedɣ-dis. iɣeṛa Maḥi tusnakt i-sseɣret ɣ Baris, d izedɣ ɣ Nyuyurk ger iseggʷasn n 1994 d 1999.

Maḥi bnebin yan unaẓur itwassan kigan ɣ fṛansa d mirikan ɣi-nna ɣ lulant tirbatin nns. Iɣeṛa Maḥi asebdad amenzu ɣ tinmel n iben lbanna s iɣenan, immatti s asebdad asinan ɣ timreslet n iben ɛebbad. Maḥi ikka-tt-nn iḥla dars uẓawan f tiɣṛi. Ayenna ur-issusimn mma nns tsebzziz fellas a-ikecm s asinan mulay yusef ɣ tamsena, isker taẓlayt n timassanin n tusnakt, yammeẓ tuggan lbak dis, iddu s Baris iɣeṛ tusnakt dis ɣ semmus n iseggʷasn allig yumeẓ tugga dis.

Maka tawargit ad ig anaẓur tella dis abeda. zrin ussan immiggir Maḥi d yan unaẓur asebnyuli isem nns " Agutsin Gumiz Arekus" iddukl-ides , yawsas i Maḥi allig idda s tirra d aṛeccm. Immiggir Maḥi d inaẓrn imaratn aḍnin, issuter unaẓur Agustin seg Maḥi ad ittara, f idd Imeṛṛukiyn Imeṛṛakciyn twassan s "tisnedṣatin", mac Maḥi innas ur-ssinɣ ijbed-tin s iɣenan issen id tawngimet n usenfelu...