Maṛku Ṛuys

Maṛku Ṛuys
afgan
Anaw nɣ asrtu	awtm
Tamazirt n tɣlant	Lalman
Tamazirt n tɣlant tamanunt	Lalman
Ism s tutlayt taymmat	Marco Reus
Ism amzwaru	Marco
Ḍfṛism	Reus
Asakud n tlalit	31 Mayyu 1989
Ida n tlalit	Dortmund
Asmun niɣ d Tasmunt	Scarlett Gartmann
Tutlayin s ar isawal nɣ s ar ittara	Tutlayt Talimant
Tawuri d mad isala	footballeur ou footballeuse
Position de jeu ou spécialité	milieu excentré, milieu offensif
Début de la période d'activité	2006
Membre de l'équipe de sport	Galaxy de Los Angeles
Sport	tacamma n udhar
Participant à	championnat d'Europe de football 2012, Akrwas n umaḍal n tkurt 2018
Ligue ou coupe	championnat du Brésil de football de deuxième division, championnat d'Allemagne de football de deuxième division, Major League Soccer
Tismɣurin yuwi	footballeur allemand de l'année, Goal of the Month, footballeur allemand de l'année
Asit amaddud	http://www.marcoreus.de/

Maṛku Ṛuys (s tnglizt: Marco Reus; ilul ɣ 31 mayyu 1989 ɣ Durtmund, Almanya) iga yan umurar aliman n twjja n uḍaṛ. Yurar ɣ trabbut talimanit n twjja n uḍaṛ Burusya Durtmund zɣ 2012 ar 2024 ɣ udɣar n wammas n ubaraz.^[1] Ittustay ɣ 12 mayyu 2011 zɣ unmhal aliman Yuwaxim Luf ad ig agmam ɣ Trabbut Tanamurt n Twjja n Uḍaṛ n Walmanya. Yurar Ṛuys anmala nns amggaru d Burusya Durtmund mgal tarabbut n Ryal Madrid ɣ 27 mayyu 2024 ɣ tgira n tbrza n inbrazn n uṛubba da ɣ tṛẓa Durtmund s 0-2 ɣ Ubaraz n Wimbliy ɣ tmdint n Lunḍun.^[2]

Tudrt nns

Tudrt Taɛrrimt

Ilul Marku Ṛuys ɣ tmdint n Durtmund ɣ 31 mayyu 1989, issnti tudrt nns tamaynut ɣ twjja n uḍaṛ i trabbut n Bust iḍfṛn i tmdint n Durtmund ɣ usggʷas n 1994, ilkm takadimit n Durtmund n imẓyann ɣ usggʷas n 1996, yurar d Burusya Durtmund aylliɣ ifta s trabbut n Rut Fays Ahln ddaw 19 ɣ usggʷas n 2006, ɣ usggʷas nns amzwaru yurar ɣ wammas n umnzaɣ, yack d ɣ smmus n tmnyugarin n trabbut tiss snat, nna yurarn ɣ trabbut n fays ahln yiws alliɣ tɣli s tbrza talimant tiss snat, ɣ usggʷas n 2008/09, lliɣ ilkm 19 ɣ uwtay nns, isbuɣla tawada nns zɣ lliɣ yurar 27 n unmala, isswu kkuẓ isswitn, issmguri 3.

Burusya Muncingladbax

Ɣ 25 mayyu 2009, isgmḍ Ṛuys xf yan umsasa n kkuẓ isggʷasn d trabbut n Burusya Muncingladbax ɣ tbrza talimant n twjja n uḍaṛ Bundisliga. Ɣ 28 ɣuct 2009, isswa timsswit nns tamzwarut ɣ tbrza talimant ɣ tmnyugart n Maynz 05 yaggugn s 50m zɣ uḥṭṭay n tratsa, zɣ wakud ann, iga imsswi n trabbut ddaw n tnmlwayt n Lusyin Fafr. Ɣ tuddma n tsutlt n 2011/12, issnti Ṛuys tawala s tɣarast iɣudan, yawi d 7 n isswitn ɣ 12 n tmnyugarin. Ikka tt inn dars yan umsasa d Burusya Muncingladbax nna yad iggʷzn ɣ usggʷas n 2015, nna ɣ illa yan waddad n ussufɣ n 18 mlyun Uṛu. inna Ṛuys mas iga Ṭumas Rusitski amdya nns anaflla.

Burusya Durtmund

2012/13

Ɣ 4 Innayr 2012, isgmḍ Marku Ṛuys d trabbut n Burusya Durtmund s 17.1 mlyun Uṛu ɣ umsasa n smmus n isggʷasn, isawl xf umzizzl nns, yini: « ɣiyɣ ad skrɣ yan usurs d yuckan ɣ tsutlt ad yuckan. riɣ ad urarɣ d kra n trabbut nna ittmzizwarn xf tbrza talimant, iriɣ ad urarɣ ɣ Tbrza n Inbrazn n Uṛubba, tarabbut ad tga tt Durtmund. Ilkm Ṛuys Durtmund ɣ 1 Yulyuz 2012, ɣ tmnyugart nns tamzwarut ɣ tbrza talimant ɣ 24 Ɣuct, isswa isswi nns amzwaru ɣ unmala ad d trna trabbut nns s tyafut n 1-2 mgl Firdr Brimn, ɣ 29 Cutanbir, isswa snat n tmsswitin i Durtmund mgal n trabbut nns izrin (Burusya Muncngladbax), iggru unmala s tyafut n 5-0. lli yujjan tarabbut ad tɣli s tskʷflt tamzwarut ɣ tbrza talimant (Bundisliga).

Ɣ 3 kṭubṛ, yurar Ṛuys anmala nns amzwaru ɣ tbrza n uṛubba, lliɣ yuwḍ Durtmund s 1 - 1 mgal Mancistr Siti ɣ tmnyugart tamzwarut n trabbut,^[3] dffir ad yawḍ s 2 - 2 d Ryal Madrid ɣ ubaraz n Santyagu Birnabyu ass n 6 Nuwanbir, yawḍ s tmnyugart tamqṛant dffir n tmnyugart n umdraw nns Rubirt Lifandufski,^[4] ɣ 21 nuwanbir, isswa Ṛuys isswi amzwaru ɣ trabbut n Durtmund, iggru unmala s 4 - 1 mgal Ayaks Amstirdam ɣ ubaraz n Yuhan Kruyf Arina, afad ad yamẓ taskʷflt tamzwarut ɣ trabbut izri ilmma s tilalt n 16 n tbrza.^[5]

Ɣ 16 bṛayṛ 2013, isswa Ṛuys ahaṭṛik, lliɣ akkʷ isswa isswitn n Durtmund mgal trabbut n Fṛankfurt. ɣ 11 mayyu, isswa Ruys sin isswitn ɣ uzmz n tgira mgal Fulfsburg, tnru ilmma Burusya Durtmund.

Ɣ 9 ibrir 2013, isswa Ṛuys isswi ɣ wakud ijlan mgal tarabbut n Malaga ɣ tmnyugart n kkuẓ n tmggura n tbrza n uṛubba 1/4, d yiwn usrir n "BfB" s tsutlt d yuckan lliɣ itmma unmala s 3-2, ɣ uzgn amggaru yurar mgal Ryal Madrid trnu Burusya s 4-3 ɣ snat tmnyugar afad ad tzri s tgira n tbrza tṛẓ mgal Bayirn Muncin ɣ Ubaraz n Wimbliy s 2-1 ɣ tusdidin timgura.