Martan Haydigr
Martan Haydigr iga yan uflsuf aliman, ilul ɣ 26 cutambir 1889 ɣ Msskirc, immut ɣ 26 mayyu 1976. Ittyawssan uggar s tikkiwin nns ɣ tawssna n tflalin d tasnilit. Tiwuriwin nns ar ddalnt yat tadla iflin n tawssna n ufgan d tiknusna d tẓuṛi d tifrgama d tnfganit d tutlayt d umzruy n tflsuft.
Ɣ brir n 1933, Haydigr ittyawstay ad ig amɣar n tsdawit n Frayburg, ittzawr bahra f tgmamt nns d twisi nns i ukabaṛ n inaziyn ɣ twala nns. Lliɣ imda imnɣi amaḍlan wis sin, ittyawsitti sɣ Frayburg, ittyawsbdad ad sul isslmad ɣ usra ɣ ar ttkkisn tanazit. Illa yan umrara n wawal yak ur tzdi tflsuft nns d tnazit.