Tamurɣi

Tamurɣi (ism n twssna: Locusta) tga yat tbxxuyt illa gis uggar n 20,000 n wanawn ɣ umaḍal. Tamurɣi tga yat trabbut n wagarn, teṭṭaf iḍaṛn dusnin da as ttawsnin ɣ tukya, ar tctta Tuga, tml ad tettakʷi ar 20 n tklit n tɣzi n tɣssa nns.

Tiɣzi n tmurɣi akkʷ imqqurn ar tlkkm gr 3 ar 13 n id suntim, taɣssa nns llan gis igmamn zun d ixf d idmarn d wadis, tili sḍis iḍaṛn.

Llan dars kra n imkkaṛaḍn ɣ ugama zun d igḍaḍ d iɣrdayn d ilfsa d iɣrdmiwn. tamurɣi tga tirmt i kigan n mddn ɣ umnẓaw n tfriqt d Wasya d yan mnnaw n tmizar n imuslmn, llant dar tmurɣi tiyafutin ggutnin zun d (abrutin 62%) d umagniz، d ukalsyum, d uputasyum, d Usudyum, d uzzal, d ufusfur . Ar ilkkm ɣuncklli tettkka tmurɣi ɣ tudrt nns, gr sin iyyirn ar smmus.