Tamzzuɣrt
| Tamzzuɣrt | |
|---|---|
.jpg) | |
| type d'objet astronomique | |
| Adusmil n | objet du ciel profond  |
| Yamu ɣ | groupes et amas de galaxies |
| Nommé(e) en référence à | Asif n Walim |
| Discipline dont c'est l'objet | tasnaggurt, formation et évolution des galaxies, Q12771345 |
| Élément Wikidata exemplaire | Asif n Walim, galaxie d'Andromède, Objet de Hoag, ESO 137-001, M87 |
| Shape Expression de cette classe | Entity schema not supported yet (E441) |
| Tag Stack Exchange | https://astronomy.stackexchange.com/tags/galaxy |
Yat tmzzuɣrt tga yan wamun n itran d ugḍṛuṛ d warragn ann lli gratsn llanin, ismun tn unzaɣ n tnzzaɣt. Mgalant kigan n tmzzuɣar ɣ usɣal nnsnt (gr 2.000 ar 500.000 n usggʷas n tifawt ɣ tzuri) ula ɣ talɣa nnsnt. Aẓnẓaṛ lli ittkkan timzzuɣar ar ittajja imassann ad tnt aṭṭun f tmzzuɣar ttyawmyarnin d tmzzuɣar ttdmarnin, nna ɣ llan id msbgr-itran. Igrawn n tmzzuɣar lli ittyannayn ɣ umɣrad ar asn aqqran s igdadn d id magʷr-igdadn.[1]
Asafla n tmzzuɣar ar ilkkm umwan nnsnt gr 10 id mlyar d 13.6 id mlyar n usggʷas. Ilint kra gisnt druɣ ad lkmnt amwan n umɣrad nit s ugayyu nns, lli ittyarun ɣ wattayn n 13.8 id mlyar n usggʷas ayad. Ar ttɣaln imassann n itran is d tamzzuɣrt lli igan tamaẓuẓt ɣ id xtilli ttyawssannin, tbayn ɣ wattayn n 500 mlyun n usggʷas ayad.[2]
Iẓḍaṛ ad munnt tmzzuɣar, ad ttyawsnmalant ɣ kra n tgrummatin llan gisnt kra n tmiḍi niɣ d ma fllas idrusn ɣ igmamn ismun tn uzday n tnzzaɣt lli illan gratsn. Imskiwn flinin yaḍnin, mi ttinin imdadayn (clusters), iẓḍaṛ ad gisn ilin wafḍan n tmzzuɣar. Tigrummatin ad d imdadayn ad iẓḍar zaɣd nttni ad ttyawsnmalan ɣ magʷr-imdadayn, lli ur ismun kra n uzday n tnzzaɣt. Id magʷr-imdadayn, d idɣarn uganin, d "iɣrban" n tmzzuɣar, ula imskiwn flinin yaḍnin, nttni ad iskarn aẓṭṭa agnnan n tanga ɣ umɣrad ad.[2]
Tasnaẓuṛt n ism
[ssnfl | Snfl asagm]Aẓuṛ n ism ad n "Tamzzuɣrt" ikka d amyag n "Zzuɣr" issarn anamk d "Ldi kra n tɣawsa" niɣ d "ad tt tettawkt" acku kkan tt inn mddn ar ẓṛṛan tassfift ad tumlilt illan ɣ ignna, zun d "tamatart n uzzuɣr d uldday" n kra ɣ ignna. Irwas nit tamatart illullmn nna ittagurn ɣ wakal, kiɣ ar zzuɣurn imkrazn imadaɣn n walim niɣ d ulli nna t ttasinin. Ɣilli ɣ ar iṭṭar walim, ar iffal tiɣrdin nns yan usaka imlluln ur bahra ifaw, illullm, ɣmklli n iɣalln n tmzzuɣrt n wasif n walim lliɣ illa ungraw anafuk.
Anawn n tmzzuɣar
[ssnfl | Snfl asagm]Tisuɣal
[ssnfl | Snfl asagm]- ↑ rédaction, la (2013-01-02). "Définition | Galaxie : qu'est-ce que c'est ? | sciences". Futura (s tutlayt ⵜⴰⴼⵔⴰⵏⵙⵉⵙⵜ). Retrieved 2026-08-25.
- 1 2 "Galaxies - NASA Science" (s tutlayt anglais américain). 2023-06-09. Retrieved 2026-08-25.