Taydrt n uswingm

Zɣ Wikipedia
Aller à la navigation Aller à la recherche
Taydrt n uswingm
Aẓur
Amskar Elmasoudy Mohamed
Azmz n ufsar 2019
Characteristics
Tutlayt Taclḥit d Tamaziɣt tamslugnt tamṛṛukant

Tga Taydrt n uswingm yat tmzgunt n taydrt n uswingm, n umara d umdyaz Lmsɛudi Muḥmmad s tutlayt tamaziɣt, tg zɣ tiẓṛigin n tzlɣa n tirra n imaratn s tmaziɣt. iffaɣ d usnflul asklan ad ɣ usggʷas n 2019.

Tga tmzgunt ad asnflul asklan wis sin dar umara, ig udlis n tmzgunt amṛwaṣu, isman udlis 90 n talɣa, ma ittggan 45 n tnfult, ilin t gis snat tmzgunin n wazzann, ttyarant s uskkil n tfinaɣ d uskkil n tlatinit.

Tawlaft n udmawn n udlis tẓli tnt tzlɣa n tirra n imaratn s tmaziɣt, tg i udm amzwaru aklu umlil ɣ llan kṛaḍ ijjign n tafukt, d yan ugḍiḍ, yili f udm amzwaru n udlis assaɣ n umara d tamatart n tzlɣa n tirra, ittyura fllas uzwl n tmzgunt s uskkil n tfinaɣ d uskkil alatini. ɣ udm wis sin, iṭṭf aklu azggʷaɣ, tili fllas tawlaft n umara, d twwuriwin nns tisnflulin, ili gis ula atig n udlis igan 30 n drhm.[1]

Asktur n udlis[ssnfl | Snfl asagm]

  • Tazlɣa n tirra n imaratn s tmaziɣt-Taydrt n uswingm - 2019
    Addal n udlis "taydrt n uswingm"
    Talɣa 1: assaɣ n umara, d assaɣ n tzlɣa n tirra, d uzwl n tamzgunt, awd dépôt légal. d isbn, d usggʷas n usufɣ 2019. d tadrawt lli t id issufɣn.
  • Talɣa 3: iga gis umara tarzzift i sin wazzann mi irzzf timzgunin.
  • Zɣ talɣa 4 ar talɣa 5: yura gisn t umara tamzwarut n udlis, isawl gis f tẓuṛi d tskla n umzgun d watig dars illan ɣ tɣrma n ufgan, ifk yat tannayt f iẓuṛan n umzgun ɣ wakal n tmazɣa.
  • Zɣ talɣa 6 ar 24: yura gisn t umara yat tmzgunt n umẓyan ilan azwl n « tamdlut n twwargit » tamzgunt ad trur taɣḍft n umẓyan s tzdugi, ḥma ad issann atig n tudrt d watig n tzdgi gis illan, ɣ ugns n iḍṛiṣn n tmzgunt llan kra n izlan n wazzan.
  • Zɣ 25 ar 45: tamzgunt tis snat, tla azwl n « masin dtgmumt mafimal », isawln f yan uḥnjar amẓyan lli mi yiws mafimal allig iḥlm tiɣri lliɣ tt inn ikka ur iḥml tinml d islmadn nns, d ngr iḍṛiṣn n tmzgunt ann, llan kra izlan n umẓyan.

Snat tmzgunin ad fkan t i tskla tamaziɣt (taskla n umẓyan) yat tɣarast tamaynut ɣ tirra, ira zɣ gisnt umara ad iml i wazzan amaziɣ tannayt nns f tzdgi d tɣri, irarn as taɣḍft f kra n iskkinn lli ur ssnn illan addur.[2]

Amara[ssnfl | Snfl asagm]

Tawlaft n umara mass Lmsɛudi Muḥmmad

Amara Lmsɛudi Muḥmmad, ilul ɣ usggʷas n 1991 ɣ tmnaḍt n tmzgadiwin tasga n cicawa, g udwwaṛ n umdiɣr, iɣra tasusyulujit ɣ tsdawit g ugadir, ifk anzgum nns i tussna tamaziɣt d tutlayt nns, yara kigan n idlisn, yumẓn mnnawt tsmɣurin tinamurin, zɣ gisn tamzgunt n « taydrt n uswingm », lli yumẓn tasmɣurt n tskla tamaziɣt n usinag agldan n tussna tamaziɣt, ɣ usggʷas n 2020, ɣ anaw n tskla n umẓyan.[3]

Imikk ɣ tmzgunin lli illan ɣ udlis[ssnfl | Snfl asagm]

Ɣr imikk g yat tmzgunt zɣ tmzgunin lli illan ɣ usnflul ad amaziɣ Taydrt n uswingm:[4]

Tamdlut n twwargit:

Adɣar:

Tamṣṛit tamẓẓyant, ɣ tlla tggurt tacmlalt, zund iɣ tga tiflut n yan umaḍal ur igin tadduyt nnɣ iggi n wakal. D

D snat tmawayin timẓẓyanin ar d zɣ gisn ttaggʷan udmawn n imudar tikklit ar tayyaḍ.

Tawlaft n umzgun s ddikur nns d imassn d tɣawsiwin gis itrsn, kullu mayan ifka udm n yat tmazirt tamaziɣt ɣ tddr yat tfruxt tamaziɣt tabudrart yaqqran ɣ tinml tifawt idrusn, zund tifawt n utwan, ɣ tuẓẓumt n tmṣṛit ann tlla yat tgrtilt n waẓẓmay iɣzzifn, sswan fllas kra n imssa uẓṭṭa, trsn fllasn kigan n urarn .

Ɣ tduli ttyagaln kra n itran fawnin.

F tariwin ann n tmṣṛit, ttyagaln kigan n ihdumn n taḍu, d win lkttan iḍnin, wid inttln aṣmmiḍ ɣ tgrst. ɣ tama n tgrtilt n waẓẓmay ittrs yan ifrssi ɣ llan kra n ifckan n itqqi, ilin f iggi n imssa urarn. aklu n tariwin iga imɣdiddi ifssusn.

Akud: tadggʷat .

Udmawn:

  • Tanirt .
  • Tarakal .
  • Tarabbut n uẓwan .
  • Timɣrit tawssart .

Yunf usntl[ssnfl | Snfl asagm]

Asddi amzwaru

Asanay amzwaru.

Tawssart, tggiwr ɣ yat tawẓut:

Tddr yat tafruxt tamẓẓyant, tga s wassaɣ Tanirt. tamẓẓyant ad tddr f iggi n yat tmdlut ilan ikʷlan zund win taslit n unẓaṛ.

Tkcm d Tanirt tamẓẓyant s ugʷns n tmṣṛit, tlsa timlsit nns tamaziɣt tazaykut, ar ttakʷi ɣ tuẓẓumt n tmṣṛit tftu s iggi n tgrtilt lli f llan kigan n urarn,tggawr iggi n tgrtilt ar tturar.

Tawssart: Tanirt tḥml bahra iḍṣ, iɣ tfta s tinml tili mnid n tslmadt nns ar ttwarga mqqar d tssuki alln nns, tawwargit n uzal. d zikk iɣ di tnkr ar tsawal d urarn nns akud ggutn, ar asn ttalls i twwargiwin lli tẓṛa ɣ iḍṣ nns , tawwargit ifulkin immimn. Tanirt ar bahra tturar s tugtt n urarn....[5]

Ɣṛ uggar[ssnfl | Snfl asagm]

Idlisn yaḍnin n umara Lmsɛudi Muḥmmad[ssnfl | Snfl asagm]

  • Adlis n tmdyazin - Amwan n wawal - iffɣ d ɣ usggʷas n 2013, yumẓ tasmɣurt n tbadut tis snat n usnflul n tskla n iɛrrimn. isman kigan n tmdyazin isawaln f kṛaḍ wantimn : tamagit - tudrt - tayri.
  • Adlis n tullisin timaziɣin igzzuln - Ixf n ungi - d iffɣ nn ɣ usggʷas n 2021, issufɣ t id usinag agldan n tussna tamaziɣt, isman 18 n tullist tamaziɣt bḍant awal f kigan n untimn imaynutn.
  • adlis n tullisin s tmaziɣt - tiɣzi d turrut - iga zɣ tẓṛigin n usinag agldan n tussna tamaziɣt g lmɣrib.
  • adlis n umdyaz s tmaziɣt ( tuntulin n wayyur ) iga zɣ tẓṛigin n usinag agldan n tussna tamaziɣt lmɣrib.
  • adlis n usuɣl - amucc asggan- n umara amriki idgaṛ alan bu, iga zɣ tẓṛigin n usinag agldan n tussna tamaziɣt lmɣrib, ammas n usuɣl d uzmmem.

tismɣurin tinamurin lli yumẓ umara «lmsɛudi muḥmmad»[ssnfl | Snfl asagm]

  • yumẓ tasmɣurt n tbadut 2m tv ɣ usggʷas n 2012, ɣ tskla n iɛrrimn. s udlis n umdyaz ‘amwan nwawal'.
  • yumẓ tasmɣurt n tussna tamaziɣt n usinag agldan n tussna tamaziɣt asggʷas n 2020 . s tmzgunt n wazzan ‘taydrt n uswingm’.
  • yumẓ tasmɣurt n tzlɣa n tirra n imaratn s tmaziɣt asggʷas n 2019 . s tmzgunt n wazzan ‘taydrt n uswingm’.
  • yumẓ tasmɣurt n takadimit tagldan n lmɣrib g uḍṛiṣ ittyuran s tmaziɣt g wikibidya taclḥit asggʷas n 2022.

Izdayn n bṛṛa[ssnfl | Snfl asagm]

Isaɣuln[ssnfl | Snfl asagm]

  1. taydrt n uswingm | ALMOUGGAR.COM
  2. Taydrt n uswingm - Mohamed El-Masoudy - Google Livres
  3. Mohamed El-Masoudy | Open Library
  4. taydrt n uswingm | Imaal
  5. Taydrt N Uswingm | PDF (scribd.com)