Umiy n Gilgamic
| Umiy n Gilgamic | |
|---|---|
 | |
| œuvre littéraire | |
| Asakud n ussrsl nɣ isllwi | années 2100 av. J.-C.  |
| Nommé(e) en référence à | Gilgamesh |
| Lieu | Mésopotamie |
| Sujet ou thème principal | pursuit of immortality |
| Forme de cette œuvre | roman |
| Anaw n tẓuṛi | épopée |
| Édition ou traduction | Gilgamesh: A Klingon Translation, Ipizzi, Q19148030 |
| Langue de l'œuvre, du nom ou du terme | akkadien |
| Personnages | Gilgamesh |
| Ittuglam ɣ usɣun | https://www.nytimes.com/2024/08/12/books/booksupdate/ai-ancient-tablets-gilgamesh.html, https://www.ebl.lmu.de/corpus/L/1/4 |
Umiy n Gilgamic iga yat tnḍḍamt zɣ Misubutamya tazaykut. Ibda umzruy asklan n Gilgamic s smmust tnḍḍamin tisumaritin f Gilgamic (ttyawɣrant yadlli s "Bilgams"),[1] agllid n Uruk, kra gisnt urrint s twja tiss kraḍt n Uṛ (attayn n 2100 dat Σisa). Ttussmrasnt sul tullisin ad bḍanin ɣ tuskra n yan wumiy imunn ɣ Akkadyan. Tunɣilt tamzwarut injmn ɣ wumiy ad imunn, tettussan s tunɣilt "Tababilt Tazaykut", turri s tsuta tiss 18 dat Σisa d tazwart nns nit ad tla s uzwl, Shūtur eli sharrī (“Azgar n Yigladn Yaḍnin Akk”). Aɣar yan mnnawt tlluḥin ka ad gisnt injmn. Tggʷra as tunɣilt Tamaddudt Tababilt nna ismun Sîn-lēgi-unninni lli yurrin s kra n uzmz gr tsutiwin tiss 13 d tiss 10 dat Σisa lli izwarn s Sha naqba īmuru ("Walli iẓṛan asa", nɣ d "Walli iẓṛṛan aynna ur ittussann").
Mad yaẓn i snat tkṛaḍin ɣ tunɣilt ad imqqurn ad ittyafan gis snat d mrawt talluḥin.
Ar yaddr ugzzum amzwaru tullist n Gilgamic lli igan agllid n Uṛuk d Inkidu, yan urgaz iḍuẓn (izdɣ ɣ tagant) ɣnan t nɣ d snulfan t wakucn fad ad isbidd asrfufn lli izzray Gilgamic ayt Uṛuk. Tagara iga sul Inkidu anɣram ḍaṛat tuskra nns n tayri d Camxat, immuddu ilmma s Uṛuk, ɣilli ɣ inya Gilgamic ɣ tnyut n udwas. Mqqar t inra Gilgamic, rad sul gin imddukkal. Rad skrn amuddu n sḍiṣ wussan s Tagant n Yidgl, ɣilli ɣ rad nɣin anḍaf nns, Humbaba, bbin ilmma Tidglt Tafuẓaṛt. Rad nn srsn tazn Σictar tayuct Azgr n Ignwan fad ad ismrrt Gilgamic. Rad inɣ Gilgamic d Inkidu Azgr n Ignwan, lkun Σictar, ɣ akud ann a rad ɣtsn wakucn ad nɣin Inkidu t tmaḍunt ixʷcnn.
Ɣ ugzzum wiss sin ɣ wumiy, tsrg tguḍi d twda lli yumẓn Gilgamic ḍarat tmttant n Inkidu ad yamẓ aɣaras iɣzzifn fad ad yafi asafar n tudrt tamɣlalt. Ɣ tgara, rad immiqqir d Utnabictim, nna nttan d tldni nns slaɣ nttnin ka ad injmn i ungay da d uznn wakucn. Rad ilmd Gilgamic zɣ dar Utnabictim: "Tudrt lli s ar tisggilt, ur sar tt tufit. Acku lliɣ ɣnan wakucn amddnu, gan tmttant d wamur nns, ajjin tudrt gr yifassn nns nttnin".[2][3]
Ittyagaz wumiy ad is iga tawuri tamssrslt n tullisin n id bu tulɣa swa ɣ usgd nɣ d ɣ tmyurt, d Gilgamic a rad ig azagʷz n id bu tulɣa ggʷranin zun d Iraql nɣ Hiraklis d wumiy s yixf nns ad igan tirslt tamzwarut n tullisn n Humṛ.[4] Ittsuɣal wumiy ad s mnnawt tutlayin ig ula tullist n mnnawt twuriwin tifantazikin.
Tisaɣulin
[ssnfl | Snfl asagm]- ↑ Rubio, Gonzalo (January 2012). "Reading Sumerian Names, II: Gilgameš". Journal of Cuneiform Studies (s tutlayt ⵜⴰⵏⴳⵍⵉⵣⵜ). 64 (1): 3–16. doi:10.5615/jcunestud.64.0003. ISSN 0022-0256.
- ↑ Thrower, James (1980). The Alternative Tradition: A Study of Unbelief in the Ancient World. The Hague, The Netherlands: Mouton Publishers.
- ↑ Frankfort, Henri (1974) [1949]. "Chapter VII: Mesopotamia: The Good Life". Before Philosophy: The Intellectual Adventure of Ancient Man, an essay on speculative thought in the ancient near East. Penguin. p. 226. OCLC 225040700.
- ↑ Temple, Robert (1991). He who saw everything: a verse translation of the Epic of Gilgamesh. Random Century Group Ltd. pp. viii–ix.