Ḥannabaɛl

Zɣ Wikipedia
Aller à la navigation Aller à la recherche
Ḥannabaɛl
Tudrt
Talalit Qarṭaj, 247 BCE
Taɣlnt civilisation carthaginoise
Tamttant Gebze, 183 BCE
Tamntilt n tmttant Anɣiman (intoxication)
Tawja
Baba-s Hamilcar Barca
Itahl d Himilce
Arraw nns
Aytmas d isstmas
Taqbilt At Brqa
Tawuri
Tawuri asrtay d chef militaire
Tismɣurin
Military service
Military branch armée de Carthage
Tasddart commandant en chef
Ynnuɣ ɣ Amgaru Abuniq Wis-sin
Barcid conquest of Hispania
guerre antiochique

Ḥannabaɛl (Hǎnnibal Barca, 247 qbl talalit– ? 183/2/1 qbl talalit), ikka-tt-inn iga yan umɣar n wawank d yan ujiniṛal igan aqrṭaj. Ikka-tt-inn iga acngu n tgduda taṛumit akkʷ imqqurn.

Ḥannabaɛl, ittyawssan bahra s aylli iskr ɣ ammas n yimnɣi Abuniq wis-sin. Izzigz s yat tsrdast zɣ Ibiriya isaka-tn iggi n yidrarn Ibṛansiyn d yidrarn n Walb ar agafa n Ṭalyan ɣilli ɣ inra Iṛumiyn ammas n yan usddiy n yinaɣan. Ammas n yimnɣi n Cannae, ikka f tsrdast n Iṛumiyn akkʷ darsn ixatrn ɣ umzruy nnsn; inra-tn yan s yan.

Tasrdast n Iṛumiyn ɣ Cannae, tlkm akud-ann attayn n 16 legions d tmuttrt n 86,000 urgaz. Uggar n 80% ɣ tsrdast ad; illa zgitsn mayd ittunɣan yili zgitsn mayd ittyukrafn, ilin daɣ zɣ gitsn yan mnnaw ɣ yimɣarn nnsn. Ḥannabaɛl, ihḍa yat tsrdast ɣ ammas n Ṭalyan i mnnaw yisggʷasn. Ɣ unggaru, tsnnukma-t yat tukkya taṛumit ɣ Tfriqt Ugafa ad yurri s Qrṭaj. Ittrẓa gis, zzugn-t Iṛumiyn bṛṛa n Qrṭaj bzziz nns.

Iddr ɣ usarag n Seleucid, isqnɛa ɣinn agllid-nns ad immaɣ mgal Ṛuma. Maccan lliɣ ittrẓa ɣ yan yimnɣi n yill, irwl Hannibaal s ammas n usarag n Bithynian. Ukan, lliɣ as-nnan Iṛumiyn ad isrs yimrign[1] nns s yat tklit, inɣa ixf-nns ɣ lḥin.

Ar ittyawḥsab Hannibaal f yikumanḍarn n lɛṣkr akkʷ xatrnin. Amussnaw n umzruy n military Ayrault Dodge, iga-as yat twal s yism "babas n tstratijit" acku mqqar iga acngu n Ṛuma akkʷ imqqurn ɣ akud-ann, kkantinn ar dars ttagʷmn Iṛumiyn tiwngimin n lɛṣkr d ar tn-ssnɣaln.

Tuddma n umcwaṛ[ssnfl | Snfl asagm]

Ibbas n Hannibaal, Hamilcar, Ikka-tt-inn iga akumanḍar n tisrdasin n Iqrṭajiniyn tigira n umnɣi Abuniq amzwaru. Lliɣ tettrẓa Qrṭaj ɣ umnɣi, ibbi Hamilcar ill afad ad islk tiqbilin n ɣayda mi ttinin ɣ ass-a Ṣbanya.


  1. Amrig ad igan sslaḥ (amagut nns imrign)

Izdayn n Brra[ssnfl | Snfl asagm]

Amnni ad iga amud, imẓẓiy sul. Aws i Wikipidya s usnfl nns, tssimɣurt t.

Isaɣuln[ssnfl | Snfl asagm]