Myunix
Myunix (s talimant : München) tga yat tɣrmt ɣ Lalman illan ɣ iyffus nns d tmaẓunt n tmazirt n Bafarya, tili ɣ 518 n umitru n tattuyt, ilkm wuṭṭun n imzdaɣn nns ɣ ussiṭn n 2011 kra n 1,3 n umlyun n umzdaɣ (ɣaylli gis igan tiɣrmt tis kṛaḍt n Lalman ɣ mad tuma d imzdaɣn) izgr tt yiɣzr n Iẓaṛ igan yat talat tasinant n wasif n Udanub. Tmgala d udrar n Walb s kra n ṣḍiṣt tmrawin n kilumitr ɣikann.
Tettyawssan is tga tamaẓunt tawrubbit n lbirra ukan ar gis ittili yan unmuggar wala imqqurn mi ismn "Uktubrfist" , d wanna ikkan tiɣrmt ad ur rad izri tikadralin nns dar illa yan waddur yattuyn da issktayn azmz abaṛuk d win tnkra, d ɣ yan yidis yaḍni ibrgmma nns lli ttyawbnanin ɣ tasut 12 d 13, tili gisn yat taẓilt idrus wanaw nns, ilin gis daɣ ma iggutn ɣ urtan igdudann i wanna iran ad ittbuwwah.
Tamallayt[ssnfl | Snfl asagm]
Idɣarn da d ttawinin imallayn ur drusn, mani tn igan d:
• Asarag n Marinflatz (ittywabna ɣ tasut 12) s yat tẓuṛi tagutikt.
• Tigmmi n Myunix (tin tasut 14) gis 130 n uḥanu d yat tsnniɣt, yili gis yan iɣrɣr n ubaynu d yan yaḍni win tiram. Tiggti gisn dlgn s traka indin d usutn aḍunin s uzmz n tnkra.
• Tasnniɣt n Ddutc, gis yan llabu ar gis skarn irimn n ADN, ittyawskar i wanna iran ad issn iẓuṛan nns.
• Turtit n Ingliccr, tga yan igr azgzaw ɣ ugns n tɣrmt.
• Tasnniɣt n BMW.
• Asamkirc, tga yan uẓallu n iṛmmuyn da bnan sin aytmatn mi ism: Igid Kirin Asam ansram d gʷmas igan asbbaɣ Kusmas Damyan Asam.
• Ibrgmmi n Lbirra.
Amzruy[ssnfl | Snfl asagm]
Tlla s ufus n ugllid Hinri Amgizm (Hinri d izm) da tt ibnan ɣ izwar asggʷas n 1158, ɣ ma issutln i yat tɣfdant (lgnṭṛt) ibbin asif n Isar, tiwi d ism nns sɣ Iṛhibn (mönchen) lli igan id bab n wakal, lliɣ yuki wafa imqqurn ɣ tɣrmt ɣ usggʷas 1327, amnkud Lwis n Bafyir rad daɣ yals i tbnnayt nns.