Nikula wis sin
Nikula Aliksandrufitc Rumanuf (S Trusit: Николай II) iga yan ɣ iqayẓaṛn n Rusya d ɣwalli akkʷ gisn iggʷran, tanbaḍt nns tɣʷi gr usggʷas 1894 ar ɣass lli rad iffuɣ tagldit ɣ Maṛṣ 1917 dffir Tagrawla Tabulcubit.
Tudrt nns[ssnfl | Snfl asagm]
Ilul ɣ 6 May 1868 ɣ Buckin ɣ Rusya, ig aqayẓaṛ n tmazirt ad lliɣ dars 26 n usggʷas, ikk d takat n Ṛumanuf, ɣ tzwri n tgldit nns tẓṛa tmazirt nns yan wawwan war amzwaru nns ɣ igr n tdmsa d wamun d tsrtit, waxxa timitar n mayad ssntint yad sɣ wakud n Babas Alikṣanḍṛ wis kṛaḍ, iḍfṛ Nikula yat tsrtit n unɣal lliɣ rad yaws i umulli Afransawi-Arusi isala imnɣi d Jjabbun (1904-1905) is ka tiṛẓi nns rad as d tawi tuggt n imukrisn d tamtti nns, ur d issutl usggʷas aylliɣ fllas tnkr tgrwala n 1905, ɣil ad aqayẓaṛ ad illa fllas ad immurwu (iqbl) s igamman n ugraw azrfan n Duma, mqqar d ɣayann Nikula rad isɣama assaɣ nns n uqayẓaṛ, yagʷi ad irar Rusya yat Tgldit tadusturit.
Tigira nns[ssnfl | Snfl asagm]
Aqayẓaṛ ad n Rusya rad daɣ iṛẓm i Duma lli, ibbjj ttɣwwiɣ da fllas inkrn, ɣayda as issutgn assaɣ n "Nikula bu idammn" , ɣ wussan n imnɣi amaḍlan izwarn, tasrdast n Rusya rad daɣ tssn yat tṛẓi iẓḍayn, tamazirt tlla ukan yadlli ɣ yat tassast icqqan.
Tassast nna tagʷnsant rad tɣli d tgrawla Tabulcufit n Xbṛayṛ 1917, ar aswir ɣ iffuɣ Nikula tagldit, ur imaṭl uzmz aylliɣ ittyamaẓ ntta ula tawja nns, ittkḍ fllatsn s ummut (liɛdam) s ifassn n igrawliyn ibulcufiyn.
Ma iḍfaṛn tamttant nns[ssnfl | Snfl asagm]
Lliɣ fllas izri uḍkkud n ummut (lḥukm s liɛdam) Ruysa rad nit gis trwi, gigan d imnzaɣn rad ilin, angraw anjmaw abucufi n Linin da d yuckan tiɣʷrdin nns, rad yawi tanbaḍt ifl dɣ ntta tislalin nns ɣ umzruy n Rusya, slawan akkʷ s tlalit n ma mi ismn Tamunt n tgdudanin tisubyatin ɣ 1922, ismunn mnnawt tgdudanin tisubyatiyn.
Ɣayad rad iṛẓm asaka i tnɣi n mnnaw mddn lli tt inn kkanin gan imtkuln ɣ uzmz n uqayẓaṛ, ɣ usggʷas 1924, tamttant n Linin rad tt iḍfṛ ulkkum n Ṣṭalin s tnbaḍt, argaz ad rad issixf tamunt n URSS mnnaw yiltayn sul, issrsl gisn yan uwank n tmurrant.