Tin Hinan

Tin Hinan (tettyara zikk ɣikad : ⵜⵏⵂⵏⵏ) iga ism ittyawfkan i yat tgllidt tamaziɣt. da ttinin mas tafilalt ad igan laṣl nns, d mas nttat ad igan mas n uɣrf amazɣ n ayt uhggwar (ⴾⵍ ⵂⴳⵔ).

Tga yat tgllidt tamaziɣt ɣ umzruy n tmazɣa teṭṭf tanbaḍt n tmazirt n uhaggar ɣ yiffus n Dzayr.

tmsasa d tqqbilt nns akkʷ afad ad mmuddun ɣr yan umda da mi ism "Abssala" ɣ tnzruft n uhggar. tṣka tagldit nns ɣ tmnaḍt ad, tssmɣur t, tsbuɣlu gis tawuri n tyrza d tyssa d tazzut n tzdayin. tɣama Tin hinan tga tasafut n tmɣarin tilelliyin dar imzdaɣn n uhggar ɣ zikk. tettyawssan s "innas n ugdud n Uhggar"

tettyawssan tgllidt Tinhinan s ufulki d taẓilt d uswingm, ayad ad tt yujjan ad tlkm tanbaḍt, kkan tt inn dars gigan n tgrdiwin da as ssrxanin amzaɣ f ayt dars d wakal nns mgal imzzazwrn.

ittyafa usmḍl n tin Hinan tizi lli ɣ izri yan ukabaṛ tɣuzi, amnig ɣ llan ifṛansiyn d imirikaniyn, tama n tgrawt n Ubalassa ɣ tmnṛast ɣ usggʷas n 1925, smattin tt ḍaṛt nns s tsnnuɣt n Baṛḍu ɣ tmaẓunt n ddzayr ufan nn gis tuggt n tɣawsiwin dar atig d imassn da d ttaḍunin s tasut tis kkuẓt n tlalit.

Ilinkn ittawyn s mani yaḍn

• (fr) Tin-Hinan, Tagllidt n itwaegiyn s tafransist ( "reine des Touaregs" RFI ), RFI radyu n fransa n umaḍlan
• (fr) Une reine atlante vénérée par les Touaregs : Tin Hinan par Elizabeth Kalta
• (fr)L'énigmatique Tin Hinan, journal L'Expression (Algérie)
• (fr) Marceau Gast, Témoignages nouveaux sur Tine Hinane, ancêtre légendaire des Touareg Ahaggar, Revue de l'Occident musulman et de la Méditerranée 13, 1973, pp. 395-40