Amarg
Amarg (Amagut: Imurig, s tsrɣint : الشعر) iga yan wanaw n tẓuṛi ɣ dar Yimaziɣn (Iclḥiyyn). Dar-s kṛaḍ n inumak dar Yiclḥiyyn:
- amzwaru iga yat tmdyazt da ttirirn tmɣarin (ɣ tmɣra, ɣ uḥwac, ɣ twisi, ɣ tawlawalt..)
- wi-s sin iga yan ussyafa agʷnsan dar ufgan kud nna issflid i kra n tirirt ilan iḍiṣ f yiman.
- wi-s kṛaḍ iga tamdyazt da ttirirn Rrways .
Anawn
[ssnfl | Snfl asagm]- Asays : amarg n uḥwac
- Astara (prélude)
- Asllaw : amarg n tmɣaṛin g tmɣṛiw.
- Tazrrart
- Tamssust
- Laḍṛub
- Iskraḍ
- Tamawact
- Tin lḥlqlt (Tzdi d nnaqus)
- Tamarirt
- Awal n isuyas
- Imurig
- Awrar
Anɛibaṛ
[ssnfl | Snfl asagm]Anɛibaṛ iga ula ntta yan wanaw n tẓuṛi tamaziɣt ar gis sawwaln sin middn s umarg, yan ar ittrara f wayyaḍ.
Isaffn n umarg
[ssnfl | Snfl asagm]Llan tugt n isaffn imaziɣn n umarg, macc Smmus ka bahra ittyussann:
- Aḥuzi
- Busalm
- Taṛaxxut
- Sidi Ḥmmu
- Actuk
Ku yan sg isaffn ad ar gis ttili :
- Tananayt
- Talalayt
Kra n imurig
[ssnfl | Snfl asagm]• Amarg (1):
A ccix Sidi Brahim u Ɛmr g-aɣ tizzar ɣ ufus
Ma s ad nzuzzur amud nnun a lḥnna d watay
A ṛṛḍa n Rbbi d lwalidayn zwurn-aɣ
Ar dar nnabi Muḥmd, izwur iggru-aɣ
Cahdat a mad iḥaḍṛn, is kullu nga yan
Lajdud-nneɣ ula winnun, ḥyan mddn frḥn.
Yakuf ssɣ yan umarg ar tt ttinin tmɣarin ɣ uḥwac.
• Amarg (2):
A wul-inu luḥ s umarg la la la dayl (i)
Iwa lfrḥ ad iwiɣ sr-k a rrja ɣass-ad (i)
A wul-inu luḥ s umarg la la la dayl (i)
win lɣllat s unẓaṛ iɣ illa fadd (i)
A wul-inu luḥ s umarg la la la dayl (i)