Ccrifa Krsit

Zɣ Wikipedia
(Tmmatti d zɣ Cerifa Kersit)
Aller à la navigation Aller à la recherche
Ccrifa Krsit

Ccrifa Krsit tlul ɣ Tazrut mu uxbu ɣ usggʷas n 1967 illan ɣ tama n iɣrm n Xnifra. Tddr timẓit nns zun d akkʷ tirbatin yaḍnin n usun. Ur tkki tinml, tḍfar, zun d akkʷ tinggatin nns, tixfawin n wulli n ayt dars. Ar tsmikkil. ɣ yat tguri tusi tamasayt n uguns n tgmmi. Ngr tiwuriwin ad ar tkkit amarg, nɣ ar ttals i kigan d izlan nɣ timawayin mu tslla sul tmẓẓiy, nɣ tilli ttlmad, kraygatt ass, d trbatin yaḍn n usun.

Ur jjun tswangm ad tkcm asays n Ccyux aylliɣ tnmaggar, ɣ tzwuri n isggʷasn 80 ɣ tasut lli izrin, d Rwica. Tizi ann ad tusi azmmaẓl izwarn g tudrt n Ccixa. Ɣ tfrka ad izwarn, ur tlli s yixf nns, izdi bdda ism nns d ism n bab n trabbut, n ccix nns, zun d Rwica, Mɣni, Lmrabṭ d Aziz Ɛim. Mk ann af nttafa ɣ udm n tasfift: Rwica d Ccrifa, Mɣni d Ccrifa.

Mqqar ur rin ayt dars ad tfk ixf nns i iɣladn n umarg ur tkki yat aylliɣ tẓẓa ism nns ngr ayt usays s taqqayt nns lli d yusi kigan ɣ tiyyat dranin n tmawayin, d tnaniwin n taqqayin, zun d tin Tifrsit, sul ittnunuyn ɣ idrarn n waṭlas anammas.

Taẓuṛi n Ccixat[ssnfl | Snfl asagm]

Nssn mas iga umarg n Ccixat yan wanaw n umarg ssmẓiyn t walln ɣ Mrruk. Lliɣ izdi d kigan d tmatarin n umutti, n usnnifl d tguḍiwin n umaynu issiḍinn tasa ibbi ul, isḍṛ timatarin mqqurnin lli f ttyasayn watign n tmtti iqqan ad ils tifit n tiṭṭ. Ɣ tmazirt n waṭlas anammas, tamazirt n tiqbilin timaziɣin, anaw ad n umarg ur igmi, innfl amr ɣ idɣarn mu nɣi ad nssaɣ idɣarn n tudrt taɣarimt zun d Mrirt, Xnifra, Zawt Ccix, d man yaḍn. Maca mk lli sul ur nufi ad naḍu dffir ussan nnɣ, ur nufi ad nmmaɣ d usnnifl, ad ngli ingitn n tudrt d isyafatn. Mk ann ad nit skrn inaẓuṛn d yufan ixfawn nnsn ɣ tmdint irin ad smdn tinaniwin n umarg ilulan ɣ igusnisn nnsn. Is iẓḍaṛ yan ad immaɣ d taḍangiwin n umarg? Chrifa Krsit tga yat gr wid akw, nɣ ttid akk ittutn s umarg ɣ man ur ygin adɣar lliɣ tlul.

Isaɣuln[ssnfl | Snfl asagm]