Lbuṛḍa s tclḥit
Ssfld s imzgan nk(nm) : Lbuṛda taclḥit n Al imam al buṣayṛi ad t-iṛḥm Rbbi, s ils n tugt n timɣarin  |
Lbuṛda taclḥit n Al imam al buṣayṛi (s teɛṛabt: الإمام البوصيري) illan s tclḥit.
Iwaliwn[ssnfl | Snfl asagm]
Bismi llah as nttirir, bismi llah as a nttfad
Bismi llah as nttazzal, i laqbur m umanaɣ
i ttawḥid a bab lla, iɣ k ira wawwal inu
a dunit ad iyi t zwurɣ, ɣid ig nruḥ ismḍal,
attawḥid a tasarut, Ljnt ṛẓmtt a Rbbi,
imumnn ad ur ẓṛin lɛdab ula ttamarrut
Yan iran ad as iridn ddnub ns, idawm ukan
attawḥid taẓallit f nnabi ṛaṣul llah
Taẓallit ɣ lawqat, a sar ur iɣafl yan
Han ṛṛḍa n Rbbi ɣ ddin, a wid ranin aɣaras
Aɣaras iga aɣaras, ljnnt as a ittawi yan
Tiɣarasin n iblis, ad ittmun wanna iɛṣan
Yan ittẓallan ar ittaẓum idɛu Rbbi yawi tt,
iɣ idda ɣ dduɛa lli ɣ kullu dɛan ṣṣaliḥin
Lmutrik n taẓallit, ur iɛdil at issn yan
Ula kfan as ad ccin, ula kfan as ad swin
Ula kfan as ad swin, iga aydi ḥaca lqqum
Nḍalb i Rbbi lli iẓḍaṛn, ad ihdu wanna iɛṣan
Ad anḥ isakka aɣaras, ikka nnbi ṛaṣul llah
Yallah yallah a lḥbab, yan iẓṛan lxuf lli ɣ
ittilin bnadm ɣ iḍan, izwarn iruḥ iṣmḍal
ifl amarg i ayt dars, awin wayyaḍ ar allan
adu nns iɣ igz i wakal, s umṭṭa nns ya laṭif
iga aɣrib iga lmskin, ur yad dars mann iwin
Mad d ittzayyad i yixf ns, iqqn zzman a amɣrur
Ha "Nukir" ha "Nukayr", ikcm d fllas inna as
Ma igan Rbbi nnk a afgan, manza ddin is t id tiwit
Yan t id iḥsan a lḥbab, izɛm nit ar ittini
Dalilun kitabu Llah, wa lbaytu qiblati
Dalili huwwa al islam, afḍalu millatin
Nabiyyi ṛasul Llah, wa llahu xaliqi
Taɛala ɛani al aṛḍi, wa ṛabbu al bariyyati
Ftḥat as imi s ljnt, iẓṛttinn ar ittckaṛ
i Rbbi walli iẓḍaṛn, iga lɣafuṛun ṛaḥim
Ak afḥ a Rbbi g immi, ula ufiɣ kn a baba
Siladd kyyin a Rbbi, a k afḥ a Rbbi d uḥabib ṛasul llah
iɣ nga imumn, ndɛank i lbari mulana
Nḍalb i Rbbi lli iẓḍaṛn, iga aḥnin ur aɣ ifnnu
iga aḥnin iga aṣṣbbaṛ, iga ljid ar ittṛḥam
Ad iyi idawa timuḍan, n lqalb ula tin yixsan
Ad d irar ljawariḥ, ad ḍɛun, ad t ur ɛṣun
Yan mu ḍɛan ljawariḥ ig u ljnt a aytma
Yan mu ɛṣan ig lɛdab, cahdnt fllas is ɛṣan
Ismg idɛan i sidis iɣ t immaggar ifrḥ-as
— Al imam al buṣayṛi, Lbuṛḍa
Isaɣuln[ssnfl | Snfl asagm]
- Lbuṛḍa s ils n tmɣarin : https://www.youtube.com/watch?v=yUs5vG5wWOM
Gras