Tajllabit
Tajllabit n takbbut[1] tamɣribit (s darija: جلابة jllaba) tga zɣ tmlsa timṛṛukiyin nna itwassan kigan ɣ umaḍal tanna iẓlin s irgzn ula tiwtmin s taẓlayt tamṛṛukit iẓiln nna illan zɣ azmz aqbur, d tslɣ ɣ tikti n uɣrf amṛṛuki.
Timlsit-a iɣudan tlla zɣ ifḍn n isggʷasn ay-a tsul tṭṭaf adɣar-nns ammas n ufgan amṛṛuki dar umzzan ula axatar, tg timlsit tunṣibt ɣ tgldit ar-t lssan igllidn ɣ igrawn imaḍlan d inmuggarn unṣibn d arzzum n uwni ig agzzum zɣ tmagit nnɣ.
Tajllabit tga timlsit tamsyiwnt ɣ kul tagldit tamṛṛukit d suln-t kigan n tawjiwin nna iszzuln tazzult n tigni-nns nna ittirin tafsa taxatart, tlla tjllabit nna itẓṭṭan s ufus yuli watig-nns ar tyawẓṭṭa ɣ id lkttan iɣudan zund Lbziwi ar-t lssan igllidn d ixatarn, tili tin imis macc ur tbḍi d tmzwarut s umya.
Mqqar-d kigan n tmizar ran-t ad skrnt zund timlsit-a macc ur t-skirn d ur ɣayn acku ur igi lkttan-a unzil iga tifilt taysit ar ittals i umzruy n tamazirt-a.
D iẓra ɣ isggwasn izrin yan usɣa axatar dar ixalijiyn d Dzayr ar-ttit ssaɣan s imzarayn n anawn-nns n unbdu d tagrst.[2]
- ↑ Systèmes Ingénieux du Patrimoine Mondial (SIPAM) au Maroc, et système osasien dans l'Atlas marocain
- ↑ Tajellabit tameṛṛukit - Moroccan taẓuri