Sksu
Iga Sksu yat tirmt zɣ tiram timaziɣin nna nttafa ɣ tmazɣa kullut. Ar bahra ittuyskar ɣ wass wis sḍis n ussan ɣ imalass lli t igan ass n Ljamɛ. Mac ar t ntaffa dar middn yaḍn ur yaggugn f imaziɣn, bahra dar middn n tmizar n tasutlt n yill agrakal zund Ṭalyan, Ṣbanya, Burtuɣal, Fransa...
Ism
[ssnfl | Snfl asagm]Ism ad n Sksu ur bahra imngara dar middn n Tamzɣa, mac graygat yan d masat igmmi[1]. Aduktur anmzray Muḥmmad Hbida iskr yan uzgal axatar inna gis mas d "ṣaykuk" tkka d tfṛanṣiṣt (C'est aux Coqs). Aya acku ur tt yufi ɣ imawaln n tɛṛabt, ittu nɣ d -iskr is ittu- mas tlla yat tutlayt tanṣliyt ɣ tmizar n tfriqt n ugafa ism nns tamaziɣt.[2]
Mlad is nn yugga unmzray ad imawaln n tmaziɣt, nɣ ka isaqsa imnnzgmn s tutlayt ad, rad issn mas d "ṣaykuk" -ig nssn mas d askkil yaẓ (ẓ) innfl s yaṣ (ṣ) nɣ yas (s) ɣ tmaziɣt, s umdya: aẓṭṭa -> aṣṭṭa, (ta)ẓṭṭat -> (ta)sṭṭat- iga uẓuṛ nns amaziɣ, tg yan zɣ wanawn n sksu.
Imik n umzruy
[ssnfl | Snfl asagm]Ar ttinin Sksu ur dikka abla dar imaziɣn art skarn gaygat tusutin n dunit. Lucie Bolens masd imaziɣ ar skarn sksu z tusut 238 à 149 (nurta ylla saydna εisa) (Bulens, 1989, t. 61). ar tukan sul skarn s ɣilad ulla dar willi disn mḥadanin ɣ irumiyn.
Ɣayli say tuyskar
[ssnfl | Snfl asagm]
An ur nitti anzr manik sa ittuyskar sksu s tfiyi iqqourn ulla lqddid, trmtad tra:
- Tifiyi nlqddid,
- D sksu n tmzin niɣ irdn,
- Xizzu,
- Taxsayt,
- Batata,
- Matica,
- Azalim,
- Tirkmin iɣllant,
- Lqzbur,
- Imik nwargan iɣ illa,
- Iɣ urilla zit n zaytun
- Imik lkmun ,
- Imik lbzar,
- Imik n tisnt,
- Imik ntḥmira niɣ zεfran.
Inawn n sksu
[ssnfl | Snfl asagm]- Sksu s lkdid
- Sksu su ufullus
- Sksu s tifiyi uwfunas
- Sksu s islman qurnin
- Sksu s 07 imndan
- Sksu s igumma
Inawn yadni
[ssnfl | Snfl asagm]- Abrkuks : sksu mu izur waqqa nns.
- Aḥlḥul : sksu mu tdrus tɣara nns.
- Abaddaz : sksu ittuskirn ɣ uggrn n usngar.
- Ablbul : sksu ittuskirn ɣ uggrn n tmẓin.
- Aẓikuk : sksu iswan s uɣu indan.
- Tissi : sksu iswan s ukfay irɣan.
- Tismmit, asgl : sksu izzɣrn s wudi.
- Abraraz, abayrar : sksu mu tfulki tɣara nns.
Ẓṛ uggar
[ssnfl | Snfl asagm]Isaɣuln
[ssnfl | Snfl asagm]
- ↑ Cf . Dallet 1982, t. 709, Destaing 1938, niɣd Lawust 1920, t. 78, ar immla mnaw inwaln li sa ituynna sksu
- ↑ Asit n u-tjarmunt - ⴰⵏⴰⵡⵏ ⵏ ⵙⴽⵙⵓ Yura tt : Lḥsn Zahur
Ilikitn n brra
[ssnfl | Snfl asagm]- ( ar ) Udyu isawaln f sksu.. tirmt d tmagit, tawalt (Alink)