Tasdawit n Bnu Zuhr
| Tasdawit n Bnu Zuhr | |
|---|---|
| جامعة إبن زهر - ⵜⴰⵙⴷⴰⵡⵉⵜ ⵏ ⵉⴱⵏ ⵣⵓⵀⵕ | |
 | |
| Amzruy d twuri | |
| Tuddma | 1989 |
| Anaw | Tasdawit tagdudant |
| Angraw asnils | Tamaziɣt - Taɛrabt - Tafransist - Taṣbnyulit - Tanglizt |
| Anssixf | Omar HALLI |
| Tanfalit | Tasdawit n umurs |
| Asml | www.uiz.ac.ma |
| Izwal-tisura | |
| Imḥḍarn | 120231 |
| Islmadn | 1214 |
| Tarakalt | |
| Adɣar | Ayt Mllul |
| Tamdint | Agadir |
| Tamazirt |  Lmɣrib |
| 0°0′0″N 0°0′0″E | |
Tasdawit n Bnu Zuhr tga yat tsdawit tamɣribit illan ɣ ugadir d idɣarn lli as yaẓn. Tbda ɣ usggas n 1989, ilkm umḍan n imḥḍarn lli gis yaqqran ɣ 2012-2013 kra n 60,000 umḥḍar, ar gis ittxdam uggar n 677 n islmadn d islmad imawasn d imsiggiln. Tɣʷi tsdawit ad ɣil ad kra n 52% n wakal anamur n tmazirt n Lmɣrib, acku ar d sis ttackan imḥḍarn zɣ sa d mraw n tmnaḍin, iwalan i kkuẓt tsgiwin: tasga n Sus-Masst, tasga n Ugʷlmim-Asif Nun, tasga n Lɛyun-Targʷa Tazggʷaɣt d tsga n Ddaxla-Asif n wurɣ.
Amzeruy
[ssnfl | Snfl asagm]Tettyusnulfa tsdawit g 1989, ism nns tiwi t id sɣ umassan ggu Wandalus Ibn Zuhr Liyadi.
Asslmd
[ssnfl | Snfl asagm]Ar takka tsdawit izazutn ɣ iẓlan ixatarn n Tmassant d Ttiknulujit, Azrf d Tdmsa, Taskla d Tmassanin Tinfganin. Tṭṭaf tẓat tɣiwanin d sḍist tinmal.
Asnmala
[ssnfl | Snfl asagm]Izri wuṭṭun n inlmadn 120,000 (ɣ usggʷas 2017-2018) bḍanin f 17 tmrsal:
- Taɣiwant n Tmassant - Agadir (FSA)
- Taɣiwant n Tmassanin Tizrfanin, Tidmsanin d Tnamunin - Agadir (FSJES)
- Taɣiwant n Tmassanin Tizrfanin, Tidmsanin d Tnamunin - Ayt Mllul (FSJESAM)
- Taɣiwant n Tẓuriwin d Tnfganin - Agadir (FLSHA)
- Taɣiwant n Tutlayin, Tiẓuriwin d Tnfganin - Ayt Mllul (FLASH)
- Taɣiwant n Tmassanin Tusnisin - Agadir (ENSA)
- Taɣiwant n Tsnjjit d Tsasfrt - Agadir (FMPA)
- Tinml Tanamurt n Usɣnzi d Uswuddu - Agadir (ENCG)
- Tinml Tanamurt n Usɣnzi d Uswuddu - Ddaxla (ENCG)
- Tinml Tanamurt n Tmassanin Tusnisin - Agadir (ENSA)
- Taɣiwant Tagtiẓlit - Warzazat (FPO)
- Taɣiwant Tagtiẓlit - Tarudant (FPT)
- Taɣiwant n Ccariɛa - Ayt Mllul
- Taɣiwant n Ccariɛa - Ssmara
- Tinml Tanafllat n Ttikunulujit - Agadir (ESTA)
- Tinml Tanafllat n Ttikunulujit - Agʷlmim (ESTG)
- Tinml Tanafllat n Ttikunulujit - Lɛyun (ESTL)