Ɛumar Taws
Aller à la navigation
Aller à la recherche
| ||||||||
Ilul Ɛumar Taws ɣ usggas n 1963 ɣ Gulmima g unẓul agmuḍan (Asammr) n Lmɣrib. Taws iga yan umdyaz li bahra itawasn ɣ tmazirt n Umṛṛuk. Ig ula aslmad da issaqqran tamaziɣt d tεṛabt ɣ Gulmima, yura yan udlis s uzwl Iledjigen n yigenna. Ika Siwa dar imaziɣn n Misra, ikka tamurt n Lqbayl d tmizar yaḍnin n Tafriqt Ufga d turupt.
Timdyazin[ssnfl | Snfl asagm]
Ut a yanẓaṛ
- Ut ut ut a yanẓaṛ!
- Mas tddid a yanzzar?
- Ddiɣ s talat
- I mas tddid a talat?
- Ddiɣ ɣr asif
- I mas tddid a asif?
- Ddiɣ s lebheë
- I mas tddid a lebheë?
- Lap mas ddiɣ
- I mas ddan irugga nnek?
- Ddan ad gin isigniw
- I mas ddan isigniw?
- Ddan ad gin inuzir
- Ut ut ut a anẓaṛ!
- Mayd trid a anẓaṛ?
- Tudrt i wakal
- I mayd trid a yakal?
- Tudrt i ymɣan
- I mayd tram a imɣan?
- Tudet i wactal
- I mayd trid a yactal?
- Tudrt i umdan
- I mayd trid a amdan?
- Tudrt i waman
- Aman aman aman
- D yiman izddign
- Aman aman aman
- Argun sraggwtn alin
- Alin s ignna kin
- Tudrt i ku yan
- Ad tzdig tɣudu!
Mɣur
- A mummu ya mummu
- Mɣur mɣur a mummu
- Idda bba nnk s almu
- Awudj ad ti d awin
- Igr asn timzin
- Yawy asn d aman
- A mummu ya mummu
- Mɣur mɣur a mummu
- Ad txitrd ixiter
- Ig iyyis tgd amnay
- Wa tgrd asen tariyt
- Tamzd as algamu
- A mummu ya mummu
- Mɣur mɣur a mummu
- Ad tafd ad tssarad
- Ad thdud tamazirt
- Tamazirt n daddak
- Tamazirt n nannak
- I warraw nnk imal
Mma awal akal
- Izli inw da t ttiniɣ s wul
- S wul inw izddigen agnsu inw
- Ad irirɣ ad iniɣ isfra
- S wawal ntted g uɣu n mma
- A mma inw a tnna yi yurun
- A mma inw a tenn’ aɣ issgman
- Tusimt anzgum a nmɣur
- Tmdimt tamara y ihrran
- Ussan nnm tarzzift ayd gan
- Mar ad di nxiter mar a nili
- G uynna akkʷ ihlan tgid aɣ amur
- G uynna akkʷ illan tgid aɣ ili
- Udem nnm amzduɣ agensu nnɣ
- Idammn nnm d wini nnɣ yuwn
- Tasa d tayri nnm gant aɣ afud
- Ndda g ubrid tgid aɣ asidd
- Izli inw da t ttiniɣ s wul
- S wul inw izddign agnsu inw
- Ad irirɣ ad iniɣ isfra
- S wawal nttd g uɣu n mma
- Ussan nnm is nra ad ḥlun
- Aɣbalu n tudrt ayd aɣ tgid
- Xf wakal g di temmɣid a ymma
- A nzzu digs iledjigen ad jjun
- D tirrugza nddu s aflla
- Xf tmazirt a nili tawuri
- Afud nngh ayd tgid a ymma
- Asidd nnegh ayd tgid a ymma
- Akal nnɣ zun d mma ayd gan
- Awal nnɣ zun d mma ayd gan
- Tarwa nnm ay nga a ymma
- Tayri nnɣ ur tdrus a ymma
- Izli inw da t ttiniɣ s wul
- S wul inw izddign agnsu inw
- Ad irirɣ ad iniɣ isfra
- S wawal nttd g ughu n mma