Yusf Ḥajji
Yusf Ḥajji | |
---|---|
Tudrt | |
Talalit | Ifrane Atlas Saghir, 25 Fuṛaṛ 1980 (44 n isggʷasn) |
Taɣlant |
Lmɣrib Fransa |
Tutlayt taymmat | Tutlayin timaziɣin |
Tawja | |
Aytmas d istmas |
view
|
Tawja |
view
|
Tiɣri | |
Tutlayin |
Taɛrabt Tutlayin timaziɣin |
Tawuri | |
Tawuri | Amyurar n tuzza n uṭar |
Tismɣurin |
ẓṛ
|
Yusf Ḥajji (s Tfinaɣ: ⵢⵓⵙⴼ ⵃⴰⵊⵊⵉ; s Tfṛanṣiṣt: Youssouf Hadji; s Tɛṛabt: يوسف حجي), ilul 25 Bṛayṛ 1980 ɣ Ifran n Waṭlas Mẓẓiyn, Tsga n Ugʷlmim-Asif n Nun, Lmɣrib, iga amurar n twjja n uḍaṛ Amɣribi, ar itturar ɣ izirg n tmnṭakt.
Iga Yusf gʷmas n Mṣṭafa Ḥajji, amurar aqbur n Aṣṣuṣyasyun Sburtif Nansi-Luṛin d Trabbut Tamɣribit n Twjja n Uḍaṛ.
Taridirt[ssnfl | Snfl asagm]
Ilul Yusf ɣ Ifran n Waṭlas Mẓẓiyn ɣ Lmɣrib, iddu s Fṛanṣa nttan d tawja nns lliɣ dars llan sin isggʷasn, yimɣur gis ɣ Krutzwald.[1].
Ɣ trubba[ssnfl | Snfl asagm]
Issnta Yusf tawada nns n Twjja n Uḍaṛ ɣ wAṣṣuṣyasyun Sburtif Nansi-Luṛin (fr) 1998-1999, yurar anmuqqar nns amzwaru ɣ tskʷflt tamzwarut (fr) 29 May 1999 mgal Ṣucu (fr), ikcim ɣ tusdidt tiss 82 ɣ udɣar n Ɛabdnnaṣṛ Waddah (fr). Iḍfaṛ Yusf urar nns d Nansi mqqar ukin s Tabrza n Fṛanṣa n Twjja n Uḍaṛ n Taḍa tiss 2 (fr).
Ɣ 2003, yurri daɣ Ḥajji s tskʷflt tamzwarut, ar itturar d Sburting Klub du Baṣtya (fr), immutty ilmma dar Sṭad Rini (fr), s usmmagl n uslɣmay nns aqdim Laẓlu Buluni (fr). Izzri Yusf yat tizi bahra imran lliɣ yufa taɣnnant ɣ tsga tafasiyt n tmnṭak dar umurar Jun Uṭaka (fr). Lliɣ iga Byir Driyusi (fr) aslɣmay, ur ar bahra yakka tizi iggutn i Yusf ɣ inmuqqarn.
Ɣ 2007, yurri daɣ Ḥajji dar trabbut lli ɣ issnti twada nns tazzulant, Nansi. Yiwi d Nansi tasmɣurt n imsswi yufn 2008-2009 s 11 n tmswit. Ismd sul sin isggʷasn yaḍnin d Nansi, issw nit daɣ 11 n tmswitin 2010-2011. Ɣ 31 Ɣuct 2011 yurri daɣ s dar Sṭad Rini s yat tmaɣunt n sin isggʷasn (wiss kṛaḍ iga udɣir), isswa gisn Ḥajji 8 tmswitin, 6 ɣ tskʷflt tamzwarut.[2].
25 May 2012, idda Yusf Ḥajji s Qaṭar, issgmḍ yat tmaɣunt n sin isggʷasn d Lɛaṛabi Sburt Klub (fr)[3].
Ḍaṛat n turmitin nns ɣ tbrza n Qaṭar d tin Turkya, iwrri daɣ s trabbut nns tamzwarut, Nansi, ɣ 22 Mayyu 2014. Isni didsn yat tmaɣunt n yan usggʷas nɣ sin iɣ ɣlin s tskʷflt tamzwarut lli igan awttas nna tsrs trabbut.
Ɣ 9 Mayyu 2018, inna mas rad isunfu ɣ wurar tigira n wannaz 2018-2019[4].
Ɣ trabbut tanamurt[ssnfl | Snfl asagm]
Mqqar d imqqur Yusf Ḥajji ɣ Fṛanṣa, isty ad itturar d Trabbut Tamɣribit n Twjja n Uḍaṛ, ilkm dids tigira n Ukrwas n Tfriqt n Tmttiwin n Twjja n Uḍaṛ 2004
Isnmktatn[ssnfl | Snfl asagm]
Tismɣurin[ssnfl | Snfl asagm]
- Anbraz n Tbrza n Fṛanṣa Taskʷflt tiss snat 2016.
- Amurar n wayyur (fr) ɣ Tbrza n Fṛanṣa Taskʷflt tiss snat Bṛayṛ d Ibrir 2015.
- Tigira n Ukrwas n Tfriqt 2004 d Trabbut Tamɣribit.
- Wiss kṛaḍ ɣ tsmɣurt n Izm n Wurɣ Utfriqt (fr) 2007.
Wayyaḍ[ssnfl | Snfl asagm]
Yusf Ḥajji iga bab n usarag n tḥffaft A Is Ka Kwafur, innuṛẓm ɣ Furbax (fr) Muzill (tazuni) (fr), Bṛayṛ 2009[5].
Isaɣuln[ssnfl | Snfl asagm]
- ↑ "Youssouf Hadji, nouvelle recrue rennaise" (s tutlayt Tafṛansist). http://www.stade-rennais-online.com/Youssouf-Hadji-nouvelle-recrue.html. Ittuẓṛa 13 Ɣuct 2020..
- ↑ "Youssouf Hadji de retour à Rennes!" (s tutlayt Tafṛansist). http://www.staderennais.com/index.php?rb=22&id=AT6813. Ittuẓṛa 31 Ɣuct 2011.
- ↑ "Youssouf Hadji au Qatar" (s tutlayt Tafṛansist). http://www.stade-rennais-online.com/+Transferts-officiel-Youssouf-Hadji+.html. Ittuẓṛa 25 Yunyu 2012.
- ↑ "Nancy : Hadji annonce sa retraite" (s tutlayt Tafṛansist). http://www.footmercato.net/flash-mercato/nancy-hadji-annonce-sa-retraite_226464. Ittuẓṛa 9 Mayyu 2018.
- ↑ "La reconversion de Youssouf Hadji" (s tutlayt Tafṛansist). 5 Bṛayṛ 2009. http://www.sofoot.com/la-reconversion-de-youssouf-hadji-commentaires-110692-news.html. Ittuẓṛa 4 mai 2011.
Tabiblyugṛafit[ssnfl | Snfl asagm]
- Bertrand Munier, AS Nancy Lorraine - Histoire d’un club - Au fil des saisons depuis 1935, Éditions Serpenoise, 2010 (ISBN 978-2-87692-747-6)