Aɣrum abazin
| Anaw n tẓuṛi | roman picaresque  |
|---|---|
| Édition ou traduction | Le pain nu |
| Amgay | Muḥmmad Cukri |
| Pays d'origine | Lmɣrib |
| Langue de l'œuvre, du nom ou du terme | taɛrabt, Tutlayt Tanglizt, Tutlayt Tafransist, Tutlayt Taṭalyanit, Tutlayt Talimant |
| Asakud n tẓṛigt | 1973 |
Aɣrum abazin (azwl asalan: alxubz alḥafi الخبز الحافي ), iga yan wungal n umara amrruki Muḥmmad Cukri ittufsarn ɣ 1973. Ila addur axatar ɣ tskla taɛrabt, acku yan ɣ iḍrisn imzwura d yaɣn isntal n itabutn (tabous) ɣ wamun n tfriqt n ugafa n uzmz nna, zund isdduhdutn, takriḍt nɣ tuzuft.
Afsar nns
[ssnfl | Snfl asagm]Astay n wanaw ad n isntal ad d yuwin imrayn i Muḥmmad Cukri ɣ ufsar n uḍris nns. Arra asalan, ugint t tgmmaw n uẓrag timrrukiyin, ukan ittwafsar uɣrum abazin tikklt tamzwarut s tsuɣlt nns tanglizt iskr Bul Buwls ɣ 1973 ɣ tẓrigin n Bitr Uwn. Dffir as ittwafsar ɣ 1980 ɣ Fransa, ɣ tẓrigin n Masbiru, s yat tsuɣlt nna iskr Ṭahr Bn Jllun. Ur ittuẓrag ɣ Lmɣrib ar 1982, dat n wa ad ittugdal zɣ 1983 ar 2000.
Tagḍwit
[ssnfl | Snfl asagm]Aɣrum abazin iga yan uḍris isawaln f tridirt. Yaɣ d tamẓi d utrag n muḥmmad, nna imann d tawja nns lli ɣ tzug zɣ arrif s Ṭanja. Isawl uḍris f bbas n umalas iqjrn, ɣ illa waqqur d tkriḍt, issan alkul. Muḥmmad ula ntta ar inggḍ imikk s imikk ɣ walkul d isdduhdutn. Ixulḍ tudrt n tsukt aha iddr takriḍt ass f wass. Ar ittkka idɣarn ɣ ttilint tmgganin. Aglam n isugnan nns uzzifn (sexuel), f wazzaɣ (viol) n trbatin tifddamin, nɣ azzaɣ nns i yan urba afddam, ad igan asrag n ugddul n uḍris nns. Igzman inglamn ɣ uḍris ssnkadn i imɣri Lmɣrib n isggasn n 1930 ar 1950, bdrn asdurry afrasis d imxumbal nna mi isrg, akccum ddu tnbaḍt tasbnyult, d ula laẓ nna igan aɣrf amɣribi ɣ urfufn d tmara. Tigira n wungal tuwid f Muḥmmad, igan argmmy ar 20 n usggas ɣ yilan nns, lli ɣ ittr akccum s yat tinml bac ad ilmd tirra d tɣri.
Tiẓrigin
[ssnfl | Snfl asagm]- Cukri Muḥmmad, Aɣrum abazin, tasuɣlt tafransist n Ṭahr Bn Jllun, tiẓrigin n suyl, collection points, 1980.