Agʷlif n inẓṛki

Zɣ Wikipedia
Aller à la navigation Aller à la recherche
tawlaft n ugʷlif n inẓṛki

Agʷlif n InẓṛkiTaddart n Ugʷrram, iga yan umun n igʷlifn illan g udwwaṛ n Inẓṛki, tasga n Ugadir, g Lmɣrib, illa zɣ tasut tis 17, ustrar n ugʷlif ann illa g usggʷas n 1850, ig ugʷlif ann yat taddart  mqquṛn igan azayku g umaḍal akkʷ. G wul n waṭlaṣ mqquṛn tanila n tɣiwant n targant lli iwalan i tsga n trudant.[1]

Adɣar[ssnfl | Snfl asagm]

Illa ugʷlif (taddart n ugʷrram) ɣ udwwaṛ n inẓṛki g ul n waṭlaṣ mqquṛn tasga n tɣiwant n targant iḍfaṛn i tmnaṭt n trudant f iffus n ubrid anamur wis 8 izdin mṛṛakc d ugadir, taddart ad n ugʷlif amqqran  ittbna s yat  tska lli imsasan d unzwi n tmnaḍt ann, lli iṛwan i tudrt n tzizwa, taggug taddart  ann i uṣmmiḍ d trɣi n tafukt iggutn bahra, iddr ugʷlif ann g taddart izuzwan kra iga tt ass s ma ila usggʷas.

Amzruy[ssnfl | Snfl asagm]

tawlaft n ugʷlif n inẓṛki anamunn

Tlla  taddart n ugʷlif n inẓṛki  zɣ kigan tasutin izrin g umzruy,  nnan imrzutn mas illa ugʷlif ad zɣ tasut tis 17, ilin wiyyaḍ nnan mas tt inn ikka  illa  zɣ uggar,ustrar n ugʷlif ann illa g usggʷas n 1850, iklli inna ils n kigan n middn g udwwaṛ ann g tlla taddart n ugʷlif. taddart ad  ar ukan sul gis ssimyurn imzdaɣ n tmnaḍt ann agʷlif, ddrn t sul tzizwa s ɣilad.

Tddr g ugʷlif ad ɣilad ma ittggan 280 n tgʷlift ɣ llan t tizzwa tinamurin, ar sgaddan isknan n igʷlifn zɣ uɣanim d tznirt n wayniwn gnt tiḥnbab, ɣʷmanin s tallaɣt.[2]

Macc drusnt tgʷlifin sul d iɣaman g taddart n inẓṛki, acku idwr unzwi s wazaɣ lli yutn tamazirt ann kigan n isggʷasn, zɣ lliɣ illa uggar n 2700 n ugʷlif g taddart n ugʷrram allig d iɣama ɣas 280 n tgʷlift. d ula inggayn n waman d inẓṛatn iggutn xʷlan kigan zɣ taddart ann.

Atig akswat n wayda d tussna[ssnfl | Snfl asagm]

agʷlif n inẓṛki

Iga ugʷlif n udwwaṛ n inẓṛki ayda anamur amɣribi, g usggʷas n 2021 tga tmawast n tussna tamɣribit agʷlif ad mas iga ayda n tfganit n umaḍal, tmmaɣ tmawast ad yili ugʷlif ad ddaw n uḥṭṭu n lyunisku, ig yan zɣ wayda illan g usddi n tmaddast n tmizar imunn n usslmd d umassn d tussna (lyunisku).[3]

Iktturn n ugʷlif[ssnfl | Snfl asagm]

Amsulf[ssnfl | Snfl asagm]

Yattuy ugʷlif zɣ wakal uggar n  980 n id mitru, ili f tsga n iffus n udwwaṛ ḥma ad imnid tafukt. tkk tt inn taddart tusi 4000 n tgʷlift, ar isyafu 25000 id litru n tammnt ku asggʷas, ar gis tswwuri uggar n 150 mlyun n tizzwit.

Taddart n ugʷlif ad ttbna s ukccuḍ d uẓṛu d tallaɣt, ig mnnawt tdaliwin, taddart ad trur udm s iffus ḥma ad yaf ugʷlif iẓnẓaṛ n tafukt lli t igumn.

taddart n ugʷlif n inẓṛki

Ar zddin tisknan n tgʷlift grasn t s izakarn n tznirt gn asn t tamatart ḥma ad issan ku yan tisknit nns, gn i tsknit yat tcnbit ḥma ad zɣ gis tffuɣn d ar zɣ gis kcmn t tizzwa, ilin t tsknin ann g uzuzwu, ig ugʷlif n iẓṛki wad iẓlin igan fɣnit g umaḍal akkʷ.[4]

Agʷlif amqqran g umaḍal[ssnfl | Snfl asagm]

Iga ugʷlif n inẓṛki agʷlif lli kullu imqquṛn g umaḍal, d iẓḍaṛ ad nini mas yut iẓuṛan g umzruy  ig azayku  bahra. ig ttfint ufan imzwura flnt id ig ayda n tsga n sus mass t. g usggʷas n 1990 d 1996 txxurba taddart ann s inggayn n waman iggutn, lli s tt inn ikkan utn tamnaḍt ann. s twisi n tsnurayt tamrikit n tgmi tamaḍlant (usaid) d lyunisku tettulls tska n taddart ann g usggʷas n 2006, s tɣarast tazaykut s ɣ iklli s tt inn ikka (akal, aẓṛu, akccuḍ), macc ɣilad ur sul gis llint ɣas  kra n tgʷlifin drusnin. tg tammnt n ugʷlif ad tammnt bahra ilan atig akswat.[5]

Iddr ugʷlif ad ngr tugtt n tuga n ijjign lli illan g waddagn n lluz d wayniwn d ijjign n tuga n tagant zund  azuknni d izri d ujjig n waddagn n wargan.[6]

Tiwlafin[ssnfl | Snfl asagm]

Isaɣuln[ssnfl | Snfl asagm]

  1. بعيطيش، عبد الحميد (1 سبتمبر 2014). "حماية المواقع الأثرية في الحظيرة الوطنية للتاسيلي ناجر". دورية کان التاريخية: المستقبل الرقمي للدراسات التاريخية. ج. 7 ع. 25: 140–145. doi:10.21608/kan.2014.110805. ISSN 2090-0449.
  2. منحل انزركي. أطلس المواقع التاريخية والسياحية في العالم. مؤرشف من الأصل في 2021-10-30
  3. منحل انزركي - ويكيبيديا (wikipedia.org)
  4. Au Maroc, les abeilles du plus vieux rucher du monde meurent « à un rythme vertigineux » (lemonde.fr)
  5. Au Maroc, les abeilles désertent le plus ancien rucher au monde - Geo.fr
  6. "التراث اللامادي الوطني". وزارة الشباب والثقافة والتواصل. اطلع عليه بتا