Aglay

Aglay (Amagut: iglayn) nɣ Abaẓẓa, Abakku, Abjlal, Abllaw, Ablul, Agʷjjim, Aqllal nɣ Acṭṭab (s tsrɣint: قضيب) iga yan usknaf anfgan illan dar urgaz. Aglay n ufgan dars snat twwriwin, abẓḍiḍ (aman) d Tuqqut (nɣ tiqqit nɣ arraw).

Tiwlafin

Asmmili n uglay
Assnkr n uglay (f ufasi : aglay ignn, f uẓlmaḍ : aglay inkrn

Asmmili n uglay

Aglay nẓẓḍaṛ ad nini mas gis Kkuẓ tgzmin :

Ixf n uglay: Aglay dars ixf nttan a illan g tizwiri ns, akud nna illa urgaz d tmɣaṛt ns, ixf a zwar ikccmn s ubcci n tmɣaṛt.
Tafgga n uglay: tga tagzzumt illan ingr ixf n uglay d uẓɣṛ ns.
Ilm n uglay: ilm n uglay iga ilm iḥban aglay akk.
Aẓɣṛ n uglay: izdar n uglay, aḍɣaṛ g imnaggur uglay d tfgga.

Tawwuri nɣ tasɣnt tafizyulujit

Aglay dars tugt n twwuriwin zund ukan :

Assnkr:

Aglay ar ittmẓẓi ar ittmqquṛ, akud nna tlla tiqq°it (nɣ tuqqut) ar ittmqquṛ, akud nna ur illi yat ar ittmẓẓṛ, azmz nna g imqqur uglay ar as nttini azmz n ussnkr.

Asbiẓẓḍ:

Aglay ar sgis d ittffuɣ ubẓḍiḍ, aman d ittffuɣn sg tfgga n ufgan.

ifi:

Ar nttini iffi urgaz bllaɣɣu (Lmaniy) ns g tmɣaṛt.

Timuḍan

Aglay n ufgan ar tkkatnt tugt n tmuḍan zund ukan :

Aḍḍukkn n ussnkr : Akud nna ur a ittiri uglay a inkr.
Iffi n zikk : Akud nna a ittffi urgaz s tizzla g tuqqut.

Taskra^[1]

Taskra tga yat tamhlt ittyawskarn i ifrxan mẓin, akud nna asn bbin ilm mẓẓin ittilin f ifx n uglay n ufrux amẓẓay. Taskra dars tugt n ismawn zund ukan Lislam (ar ttinin middn : isikk iwis lislam, s umdya n iskras taskra)