Amakr n Wusman

The Lightning Thief
Amakr n Wusman
Amara	Rick Riordan
Amsnflul n tɣarift	Peter Bollinger John Rocco
Tamazirt	Iwankn Munnin n Marikan
Isdditn	Percy Jackson & the Olympians (adlis 1)
Anaw	Tafanṭaziyt
Amẓṛag	Miramax Books, Puffin Books, Disney-Hyperion
Asakud n tẓrigt	1 Yunyu 2005 (addal iqqurn) 1 Abril 2006 (adlis n jjib)
Tasniwin	377
ISBN	0-7868-5629-7
OCLC	60786141
LC Class	PZ7.R4829 Li 2005

Amakr n Wusman (s tnglizt: The Lightning Thief), iga yan wungal n tfanṭaziyt d "umɣamar" d iffuɣn asggʷas n 2005, da ittsnnad f wumiyn n wagrikn iqburn. Yura-t umara amirikani Rick Riordan. Adlis-ad ad igan amzwaru ɣ usddiy n Percy Jackson d Wulampiyn. Ar isawal usddiy-ad n yidlisn f yimuɣamartn n yan bu 12 usggʷas igan s yism Percy Jackson lliɣ nn-yufa yiɣf-nns mas iga yan uzgnyuc (azgn-afgan azgn-akuc). Percy, nttan ad igan yiws n yat tfgant d yan wakuc agriki igan s yism Poseidon. Ar ittmuna Percy nttan d yimddukkal-nns ɣ yat talmuɣamart/awttas afadd ur tnkr yat lgirra ngr ikucn n wagrikn; Zeus, Poseidon d Hades. Ismd Riordan tirra n warra-nns asggʷas n 1994. Amakr n Wusman, ittusɣa i tklit tamzwarut dar Bantam Books (Idlisn n Bantam) ɣ 1997. Izznza-t Bantam i Miramax Books. Ifsr-t Miramax ass n 18 yunyu, 2005. Uggar n 1.2 umlyun n tunɣilin ad gis inzan ḍarat kraḍ yisggʷasn.

Iwi udlis kigan n tsmɣurin. Ɣ 2007, yucka-d ɣ tlgamt n Best Seller ɣ mayd iẓlin s tkatiguriyt n yidlisn n tazzanin ɣ ammas n The New York Times. Ittyuskar gis yan ufilm smman-as Percy Jackson d Wulampiyn: Amakr n Wusman. Ittyawẓra ufilm-nns ɣ yid ssinima i tklit akkʷ izwarn ammas n yiwunak munnin (Marikan) ass n 12 bṛayr ɣ 2010. Ill n Id Buxxu nɣ d The Sea of Monsters ad igan uḍfir n udlis-a.