Amayas amaziɣ
| Amayas amaziɣ | |
|---|---|
 | |
| Tasnsartut | |
| Tagldit | Animalia |
| Tazuni | Chordata |
| Asmil | Mammalia |
| Anmala | Carnivora |
| Tawja | Felidae |
| Anaw | Panthera |
| Tawsit | Panthera pardus |
| Adu-tlmst | Panthera pardus panthera Schreber, 1777
|
Amayas amaziɣ nɣd Amayas n tniri nɣd Amayas n yiẓẓlmḍ n tafṛiqt (Agrar) ar fssrnt tmizar n tuzdɣt n umudr ad ɣ Lmɣrib, Dzayr, Mali, iẓẓlmḍ n tagut n Ttcad, yiẓẓzlmḍ n Burkinafasu, Cngiṭ, d Libya, d tagut n Miṣr.
Ɣ Lmɣrib ittusddid mas illa umudr ad ɣ tniri zzɣ dar ijakaln, ar ictta umayas ad iznkʷaḍ n duṛkas d wid mẓẓin d wid ittyagasn ɣ iznkʷaḍ n dama, ilfawn, iwtlan, inẓiḍn, d iẓḍaṛ ad istay ɣ mi'ḍṛuṣn, d ula ulli d ifullusn n ijakaln. Tawllaft tamggarut n urksim ad ttyamaẓ ɣ 1994.
Usnubbc fllas[ssnfl | Snfl asagm]
Ɣ usggʷas n 2010 tssnta yat trabbut n imassann iṣblyunin d imnirn imɣrabiyn yan usikl n usnubbc s urksim ad, bbin gis ma ylkkmn ar 1000 n ukilumiṭṛ zzɣ iɣiz uzddar n wasif n Drεa ar idrarn n Idar, d tkka-tt-inn tɣtast n usnubbc s umayas amaziɣ ɣ Lmɣrib zzɣ fibṛayṛ 2011. D ɣ usikl lli nbdr ar fllas ittni uɣmis n "il kunu" aṣblyuni masd Xussi Maṛiyya Sanciz ar iglli asɣlf anigan wis-tam i umassan ad ittamẓn 2000 km², d fsrn ma ylkkmn ar 3500 n tmdayin n uswllf, d ẓḍarn t tmdyin ad ad amẓnt afḍan n twllafin i yiwtlan d iznkʷaḍ d ulli n imzdaɣ n tsgiwin ad, d tugtt n imudar ad lli igan tiram n umayas amaziɣ ar akkan i yimassann anaruz mas iẓḍaṛ a sul iddr umudr ad.[1]
Isaɣuln[ssnfl | Snfl asagm]
- ↑ ⴰⵎⴰⴹⴰⵍ ⵏ ⵓⴳⴰⵎⴰ Amaḍal N Ugama - Tasna ɣ Faysbuk