Anẓiḍ amaziɣ

Zɣ Wikipedia
Aller à la navigation Aller à la recherche
Anẓiḍ amaziɣ
Atlantoxerus getulus.jpg
Tasnsartut
TagldaAnimalia
AdurChordata
AsmilMammalia
TafsnaRodentia
TawjaSciuridae
TaɣrftXerini
TawsitAtlantoxerus
talmst Atlantoxerus getulus
Linnaeus, 1758
Taẓuni tarakalt
Atlantoxerus getulus distribution map.png

Anẓiḍ amaziɣAkbur amaziɣ iga yan wanaw zzɣ afrruy n inẓiḍen n wakal, d irxa ad ittussan s imzgan nns imẓẓin d wazzar nns i ttggan ablbac nɣd aqwi d llan gis kra n iwnɣan isggann nɣd iqqhwin s tɣzi .

Assaɣn[ssnfl | Snfl asagm]

Assaɣ amassan: Atlantuxerus getulus. Anẓiḍ abarbari - anẓiḍ n laṭlas - anẓid amaziɣ ... Ɣ kra n tasgiwin ɣ sus d laṭlas ar as ttinin " anẓiḍ " nɣd " agbur " d dar tasga n (taza) ar as ttinin "cefcn" d g lqbayel ar as ttinin "cebirdu" .

Tikli[ssnfl | Snfl asagm]

Anẓiḍ amaziɣ iga yan umudr ifssusn ɣ umussu nns, d mqqar a yettkka tugtt n tizi nns g wakal macc ar yaqqʷlay s idɣarn yattuyn afad ad dars tili tannayt ifulkin i mad illan d ma ittmussun g udɣar nna g izdeɣ . Ar ittddr unẓiḍ amaziɣ g terubba zzɣ 10 ar 20 n wanẓiḍ, d ar ttmunn g tizi iɣ a ggʷann g ifratn nnsn gr iẓṛan, d ittussan is a yettili g tesgiwin yaẓen yiḍuṛan. Ar itmussu wanẓiḍ amziɣ g uzal macc ar bahra ittmussu iɣ-d teɣʷli tefukt nɣd iɣ ar a ttruḥ affad ad yanf i tirɣi n tefukt ɣ uzal.

Aksay d taẓḍuyt[ssnfl | Snfl asagm]

Ar tlkkm tiɣzi unẓiḍ amaziɣ imtrugn zzɣ 20 ar 25 cm bla acṭṭab ilkkmn gr 15 ar 20 cm, d ar tlkkm taẓḍuyt nns zzɣ 200 ar 300 Gram.

Tirmt[ssnfl | Snfl asagm]

Utci nns ɣ tasila iga amsicekan zund: Amud [Amud n ujddig n tafukt], [Adrn - Agrgaɛ - Ikikd], d igumma zund [Adffuy d Tiyni ...], d icakan zund [Tirkmin - Talluɣda d Xizzu] d ar ictta ula ibuxxucn zund tammurɣi, d iqqjdar d tiglay n yigḍaḍ, macc ɣ Lmɣrib ittussan mas iḥmel aqqayn n wargan .

Azmz n tudrt nns[ssnfl | Snfl asagm]

Ar ittddr wanẓiḍ amaziɣ zzɣ 3 isggʷasn ar 5 nɣd 6 n isggʷasn.

Imudar it icttan[ssnfl | Snfl asagm]

Llan kigan n imudar icttan anẓiḍ amaziɣ zund: Abaɣuɣ - aswwan - tamdda - tawwukt - igider - ilgmaḍn.

Talalit[ssnfl | Snfl asagm]

Ar issnti usggʷas n litihal ɣ "bṛayer" d ar ittkka isiy zzɣ 14 ar 16 n wass, d ar ttffuyyuɣn warrawn ɣ isddi nɣd ifri ɣ imallas wiss smmus nɣd sḍis d ar ittqqiḍi usumm g yimalass wiss sa .

Asnmata ajeyugrafi[ssnfl | Snfl asagm]

Tessiḍn (tamuni tamaḍlant n uḥṭṭu n ugama) mas a yettddr aɣar ɣ Lmɣrib d Dzayr d Tigzirin Tikanariyin, d slawann akkʷ g Lmɣrib iɣ bahra iggut g idrarn n laṭlas ( imẓẓin d umqqran d umjahdi ).

Tiɣbula[ssnfl | Snfl asagm]