Askkud

Zɣ Wikipedia
Aller à la navigation Aller à la recherche
Amnni ad icqqa ad t tfhmt !
Amnni ad gis kra n iwalwn nna ur iẓḍaṛ yan ad tn ifhm iɣ ur issin ɣ umawal iẓlin n tutlayt taclḥiyt tatrart.
Mad igan afssay ? Fad ad tfhmt mad gis illan tzḍart ad tawst i yixf nnk s umawal lli illan ɣ izddar akkʷ n tasna. Iɣ t ur tufit, tzḍart ad nn taggʷt ɣ imawaln d isgzawaln.
Askkud n Pitaguras iṭṭaf ar ɣilad 370 wanzatn ittussan[1]

Iga Askkud (s tfransist: théorème) yat tulkint s nẓḍaṛ ad tt nssɣẓn s tusnakt; s wawal yaḍn, nẓḍaṛ ad nskn mas tga tidt s twizi n yan ussɣẓn amẓẓul ittuskarn s ussnti s agjdi. Akud nna ittuskan uskkud, da ittgga tidt aynna s akk tra tgt tidt n tsntayt f iṣka acku da ittusnkad s udm n yan ussuɣn: ig iga A amidi ula B ad ig amidi. s ɣmkad, iẓḍaṛ ad ittusmrs i ussɣẓn n wiyyaḍ isumar. Assɣẓn n uskkud iga t uskan n is ur issin ad naf mas iga A amidi d B armidi s yat tikklt.

Ar ittili aha s uskkud:

  • Tusrist tasilant, tifadiwin ẓḍaṛnin ad umunt ɣ uskkud nɣ tinna ttuglamnin yad.
  • Tamrgalt, tulkint tamusnakt igan tidt s tilawt n tfada tasilant.

Mqqar iga ussɣẓn ccil afad ad nini iga usumr "askkud", ur da ittumu ɣ uskkud ad. Wayyaḍ usnml nna s nẓḍaṛ ad t nfk i innyuc : " yan inaw nna s nufa ad as nskn aɣẓan."

Ar ittamy ussɣẓn:

  • Tigjdanin.
  • Tusrisin n uskkud.
  • Wiyyaḍ iskkudn yad ittusɣẓnn.

Ku tafrka g ussnẓi tettyaɣan s tadda tt izwarn s ilgamn imẓẓuln.

Talɣiwin yaḍn n tulkinin[ssnfl | Snfl asagm]

S ussiriw, ẓḍaṛn inawn akkʷ ittusisknn ad asin assaɣ "askkud". Maca ɣ twuriwin n tusnakt iẓli ussmrs n yism ad s tulkinin igan timaynutin nɣ gant idsnt mi dar illa wazal imqqurn. Ar ttufkan wassaɣn imyallan i tulkinin timusnakin s tɣuni s twuri nnsnt d wazal nnsnt :

  • Tamnzut: tulkint ittggan asmmaẓal amzwaru, ar tettusmras i ussɣẓn n iskkudn ilan uggar n wazal.
  • Talkamt : tayafut d ittffɣn s usrid zɣ yan uskkud ittusɣẓnn.
  • Tasumrt : tayafut igan tafrart yan imikk aha ur tettyaɣan s kra n uskkud iẓlin.
  • Tamawt : tayafut ilan tawuri nɣ tayafut iẓḍaṛn ad d iffɣ zɣ ussnẓi nɣ zɣ yat tulkint yaḍn.
  • Turda : asumr amusnak mi ur nssin azal n tidt. Ar ittgga askkud akud nna ittusɣẓn.

Mknna yad nenna, da ittiri uskkud yan usiskn amẓẓul izwarn s tgjda.......

Isaɣuln[ssnfl | Snfl asagm]

  1. Elisha Scott Loomis "The Pythagorean proposition: its demonstrations analyzed and classified, and bibliography of sources for data of the four kinds of proofs"


Aggur:Tusnakt/Tin imgradn