Aspinuṣuṛ
| Aspinuṣuṛ | |
|---|---|
 | |
| taxon fossile | |
| Nom scientifique du taxon | Spinosaurus  |
| Rang taxonomique | Anaw |
| Taxon supérieur | Spinosaurini |
| Type taxonomique | Spinosaurus aegyptiacus |
| Nommé(e) en référence à | colonne vertébrale, Lacertilia |
| Date de début | 130030000 ans av. J.-C. |
| Date de fin | 93500000 ans av. J.-C. |
| Asra | Crétacé supérieur |
| Lieu de découverte | Formation de Bahariya, Formation de Chenini, Kem Kem, Miṣra |
| Source principale de nourriture | carnivore |
Aspinuṣuṛ iga yan wanaw n iḍinuẓuṛn iddrn ɣ iẓẓlmd n tfṛiqt kra n 95 ugndid (amlyun) n usggʷas, amassan Arnset Stṛumṛ sɣ tsddawit n Ludfiɣ Maksimilyan ɣ Myunix yufa ɣ umzwaru n tasut tiss simraw (agnar - 20) aḍinuẓuṛ ad ɣ taɣliwin¹ n yill ɣ tagut n miṣṛ d iga yas assaɣ n aspinuṣuṛ amiṣri, d iska ɣ usggʷas n 1944 yan usalay³ ɣ Myunix ifsr gis ixsan n uḍinuẓuṛ ad macc ixʷla usalay ad s yat tsnfrt ɣ imnɣi amaḍlan wiss sin, d ɣaman ɣar tiwlafin d tamawin⁴ ittyuran f aspinuṣuṛ.
Ffir n 100 n usggʷas rad daɣ ttyufan ixsan nns macc tikklit ad ɣ Umṛṛuk s ufus n yat trabbut n imrzun (isnabbucn) s tnara n umassan Niẓaṛ ibṛahim, yili disn umassan samir zzhri sɣ tsddawit n lḥsn wiss sin.
G umṛṛuk ttyufan igaluzn⁵ n tɣssa⁶ nns ɣ tggayin n ukal aẓggʷaɣ ɣ tmnaḍin narfud, ɣilli iɣ yadlli llan isaffn ɣ tizi yan. Ma igan abida⁷ ɣ uḍinuẓuṛ ad mas yadlli iẓḍaṛ ad ikcm s umaḍal n waman d ad igʷmmr islman d yimudar n waman i yadlli illan ɣ isaffn ann, iṭṭf yat tmɣilt ar tlkkm ar 6 n id mitru nttat a s ar yadlli ittcucf ɣ waman (zun d aɣucaf), d nttan a igan aḍinuẓuṛ amsksum i kullu imqqurn lli nssn ar ɣil ad.