Axilyus

Axilyus (Ssɣ tagrikit taqbuṛt: Ἀχιλλεύς / Akhilleús) iga yan butulɣa ɣ tasnumayt Tagrikit yu-s n Bilyus d Titis. Ukan afad ad bdda idus ur sar t yaɣ kra ihrcn, tɣts inna-s ad t-tjrrk ɣ uzal d yat timɣit lli mi ttinin "Ambrusya" , d ad t-inn-tsgan ɣ takat ɣ ḍyiḍ. Ar t ilmma tettagl ssɣ umzzil n uwrz-nns, tsgl-t-inn ɣ Ustiks (Asif n urwass). S ɣikad, iga ɣmklli gi-s tra, ur sar rad ihrc amr ɣ yan udɣar hlli lli igan awrz-nns. Ɣinn aɣ yadlli rad ittyagas s tiyyt da t-inɣan.

Lliɣ imqquṛ, ittyawfka-as ad isti is ira ad iddr yat tudrt iɣzzifn macc txwa, ur gi-s yat, tssills, niɣ ad iddr yat tudrt igzzuln irɣudn, ifta f ti-s snat aylliɣ sul iga yan d ɣwilli akkʷ rugznin ɣ tiɣrmt n trwaḍa, ɣilliɣ nit immaɣ mgal yimrmidn.