Ayt Sɣruccn
Ayt Sɣruccn tga yat turfa tamaziɣt taznatit tili ɣ idrarn n waṭlas anammas (fazaz) ɣ umrruk. Ils da sawaln ar as ttinin "tasɣruccnit", awal ad ikcm ɣ tntliwin n tutlayt tamaziɣt waṭlas anammas ɣ umrruk.
Amzruy
[ssnfl | Snfl asagm]Ar ttrran Ayt Sɣruccn aẓur nnsn s umzwaru nnsn Mulay ɛli bnɛmr, nttan ad d ikka yism n twsit ad, ar ttinin ɣ umiyn is tt inn ikka umzwaru nnsn iga agʷrram yan wass ikla ar ikssa, lliɣ ifta ad ittẓalla, ikk as d wuccn ulli nns, yasi afus issɣṛuc t. Aylliɣ as gan Sɣruccn ini "ssɣṛuc + uccn = sɣruccn"
Iɣsan d udɣar n uzdduɣ
[ssnfl | Snfl asagm]
Tbḍa tqbilt n ayt sɣruccn f yan wakal yumẓn sɣ Fas ar Mliwt yattuyn.
- Ayt sɣruccn ḥarira, llan ɣ iming n tmdint n Fas ɣ ubrid s Fas, ɣ yiɣrman zun d llwata, aɣbalu aqurar...
- Ayt sɣruccn n imuzzar, llan ɣ iffus i Fas, iɣrman nnsn imqqurn gant Imuzzar n Knḍr, Ayt Ssbɛ, Sidi Xyyar...
- Ayt sɣruccn n ticcukt, ḍfurn i tsga n Bulman, illa mad ittinin mas d nitni ad igan aẓur n Ayt Sɣruccn, acku ar ttinin mas d babatsn (mulay ɛli bnɛmr) iga u Fas izdɣ ɣ tmazirt ad, sɣ iɣrman nnsn ɣ tsga ad: Skkura mdaz, Bulman, Lmrs, Ayt ɛbdlla...
- Ayt sɣruccn n tlssint: nnan imanagn is iga iɣrm n ɣzwan illan idis i tlssint ɣ iming n umrruk (tasga n ifyyey (figig)) ansa izwarn n imzwura n Ayt Sɣruccn s umaka, ar ɣilad ar sul dars ttkkan ayt sɣruccn sɣ tsgiwin akkʷ.
Ẓṛ sul
[ssnfl | Snfl asagm]• Ayt Ɛṭṭa
• Iẓnagn