Bṛahma
| Yamu ɣ | Trimūrti  |
|---|---|
| Anaw nɣ asrtu | awtm |
| Ism ɣ tutlayt taẓuṛant | 𑖤𑖿𑖨𑖮𑖿𑖦𑖯 |
| Asmun niɣ d Tasmunt | Sarasvati |
| Affilié à | Parabrahman |
| Armement | Brahmastra, Brahmashirsha astra |
| Monture | cygne |
Bṛahma iga yan wakuc Ahindus, ig yan ɣ id ɣaylli mi aqqran ihndusn s Trimurti, ad tt igan d kṛaḍ n id wakuc lli akkʷ ssugrnin ɣ usgd Ahindus, d ku yan gitsn ila tawwuri nns; illa Civa (ɣwalli ixllun), yili Vicnu (Anfrag, ɣwalli isɣaman tiɣawsiwin), yagur d Bṛahma lli igan amattay nnsn d nttan ad isnfluln amɣrud d kullu kra gis illan, ig daɣ bab n twssna d bab n warratn iqburn zun d Vida , arra afuẓaṛ lli akkʷ iṭṭafn atig dar ihndusn.
Asala nns
[ssnfl | Snfl asagm]Ɣaln kra n ihndusn is d Bṛahma ilul ɣ yat tglayt n wurɣ, ɣaln daɣ wiyyaḍ is ikka yat tjddigt n ullutus, ilin imil akkʷ s ugʷri mas d lliɣ inulfa, inulfa s kkuẓ n iguyya, d kkuẓ n ifassn, d kra iga t agayyu d ufus darsn yan unamk ittyawssann. Agayyu nna iṭṭaf Bṛahma ar issmnid yat tnqqiṭṭ da f ibidd uswingm, yat "Yuga" niɣ d yat "Vida":[1]
- Budi win ufrak.
- Ahamkara win irixf.
- Manas win iman.
- Sitta win twssna.
Bṛahma ittyawmnad is iɣʷi s ifassn nns kkuẓ n imassn ar ttinin ihndusn is d nttni a s iskr Bṛahma ddunit :[2]
- Kamandalu tasɣmut n tudrt.
- Akmasala taẓayrt n wakud.
- Puctaka adlis n Vida.
- Sruva taɣnjawt n tfaska.