Blɛid Lɛkkaf
Iga blɛid lɛkkaf bab n uẓawan d umsnflul Amaziɣ, abrid n unaẓaṛ ad d twuri nns iwin d ṣaḥa i uẓawan amɣribi s umata d Tmaziɣt s tɣarast iẓlin, ssẓlin t am taẓlayt n tmkfit nns.[1]
Tudrt nns[ssnfl | Snfl asagm]
ilul blɛid lɛkkaf g ṛṛbaṭ g 1952, g yat tuwja d iswan sg uẓawan n uḥwac, babas iga ṛṛays ( amdyaz amarir aqbur sg tsga n sus). ikcm ufrux blɛid asinag n uẓawan g ṛṛbaṭ g 1963, ur iẓḍaṛ ad ismd tiɣri n usinag acku yaggug usɣim nns sg tzduɣt nns. mac g 1968, yurri nn ad daɣ yaqra, irms ad yamẓ aslkin nns, ig akkʷ aslmad g using dffir mad zrin isggʷasn. abrid anaẓuṛ n blɛid lɛkkaf rad tssn yan usmattu axatar dffir mad iga yan ugmam asilan g yat trabbut n uẓawan lli ismaynunn aẓawan amaziɣ g isggʷasn n 1970.[1]
Tarabbut n usman[ssnfl | Snfl asagm]
g isggʷasn n 1970, tffuɣ d trabbut n nas lɣiwan, tarabbut tabiḍawit lli iskrn tagrawla g uẓawan n lmɣrib, s isntln lli f tsawl, d imassn n uẓawn lli tsmras zun d ṭamṭam d gambri d lbanju, immassn ganin adlli ɣas win uẓawn adɣaran d umdnan. g umnaḍ ad, tlul tmsmun tamaziɣt tamzwarut g lmɣrib: agraw n lmɣrib g isiggln d isnfln n tussna g ṛṛbaṭ g 1967. frkn id bab n tmsmunt s tilalt n llɣa g uzuzzr n tdlsa tamaziɣt d. iswingm igglin n bṛahim axiyyaṭ, sg ugraw n lmɣrib g isiggln d isnfln n tussna , g uskr n trabbut n uẓawan isawaln tamaziɣt ittiririn amarg n usɣwan imunn d tetrart. ɣmk ann af issnti ar ittlli s itran iɛrrimn g tsga n sus. lkmnt tuggas n igllin n uxiyyaṭ amurs, tettuskir trabbut g ṛṛbaṭ g llan: mbark ɛmmuṛi, blɛid lɛkkaf, sɛid bijɛaḍ, saɛid butrufin, lyazid qurfi, ṭaṛiq lmɛṛufi ttusmma trabbut ad “usman”. tskr trabbut adɣar nns d yusan g usays anamur n uẓawan, tiwi talɣat nns tamzwarut takndawt amurs adɣyan dar imɣrabiyn sawalnin tamaziɣt. lliɣ tsmrs trabbut anyatn idɣarann d imassn atrarn n uẓwan ɣmk ann d tiṛwi n tmdyazin lli tsti. timdyazin lli uran imdyazn ixatarn am ɛli ṣidqi azayku d ɛumaṛ amarir d muḥmmad mustawi d bṛahim axiyyaṭ d muḥmmad ljictimi. tfl d trabbut n usman g isggʷasn lliɣ tlla (1974-1978) kigan talɣatin ẓilnin tfl d trabbut n usman g isggʷasn lliɣ tlla (1974-1978) kigan talɣatin ẓilnin am: ddunit, tabrat, tillas, idrarn. tfl d ula mnnawt tssfifiin, tskr yan iwiz g umzgun n "ulumbya” lli bahra ittussann g bariz g usggʷas n 1977. g usggʷas n 1983, tssfuɣ d usman album nns “uɣul n usman”, dat mad tbdd g 1984.[1]
Ẓṛ sul[ssnfl | Snfl asagm]
• Isddi f tudrt n Blɛid Lɛkkaf ɣ usaru n Warda Prod (Assays, Ep.59)
Tisuɣal[ssnfl | Snfl asagm]
- ↑ 1,0 1,1 et 1,2 Sɣ dar Amaḍal Amaziɣ (uṭṭun 278).