Faṭima Zzahra Ɛmmuṛ
| Faṭima Zzahra Ɛmmuṛ | ||
| Tudrt nns | ||
|---|---|---|
| Azmz n tlalit : | 23/08/1967 | |
| Aḍɣar n tlalit : | Ṛṛbaṭ | |
| Tamazirt: |  Lmɣrib
| |
| Tawwuri | ||
| Tamawast | ||
Faṭim Zzahra Ɛmmuṛ Tasrtant tamṛṛukit zzɣ tarwa n 23 ɣuct 1967 ɣ Ṛṛbat, tamtwalt d tanmmalt d tasrtant tamṛṛukit. Tga tamawast n umurri d tmguri tabldit d tdmsa tanamunt d umawas zzɣ 7 Ktubr 2021.[1]
Tawada
[ssnfl | Snfl asagm]Tlul Faṭim Zzahra Ɛmmuṛ ɣ Ṛṛbat asggʷas n 1967 ɣ tawja n imdlasn . Babas ar iswuriy ɣ lbank d innas tga tamsungalt.[2] Ḍarat n mad tsmd tiɣri nns tasinant ɣ usinan Lyautey ɣ tgmmi tumlilt, tmmudda s Fṛanṣa afad ad tmmgnt g tiram n usmuttg, ilmma tkcm s tinml tanamurt tunnigt n itiqniyn yattuyn Bariz lli ɣ tumẓ tugga nns ɣ utwal asggʷas n 1991.[3] Lliɣ d turri s umṛṛuk asggʷas n 1992 tssnti tudrt nns tazzulant ɣ yigr n usgdz ɣ tmssurt Pṛuktr & Gambl dat ad tkcm d Akwa tamṛṛukit ɣ usggʷas n 2001 tg tanmhalt n usgdz d ugmam ɣ tsqqimt tamskirt d tmurs ɣ tẓki n wattayn n simraw n tmatart tamstagt idusn. Ɣ tizi a tswudda nttat d Ɛaziz Axnnuc anmuggar n Timitar ɣ ugadir, lli igan anmuggar amaḍlan n uẓawan, iwatts asurri n tɣrmt n ugadir s ugrudm adlsan. Ɣ usggʷas 2012 tssnti tikki n umcawar i inmhaln imskirn ɣ yigr n usgdz d usnfli n twuriwin, ɣaylli tt yujjan ad tgli tugtt n tmsarin timaḍlanin ɣ udɣar n tmrsal timatayin Assises de l'Agiculture... Ɣ usggʷas 2014 iskr gis ugllid wiss sḍis lmufawad amatay n usfsr n Milanu amaḍlan (Ikspu Milanu 2015). Ddu usmnid nns ikka tt inn afraw amṛṛuki zzɣ uggar id smmus isfsar lli itturzafn lliɣ sis rzfn 3 imlyunn n inrzaf ɣ 6 yirn. Ɣ usggʷas 2021, tkcm d usqqamu n tmssugurt n tmssurt n imttuswa n umṛṛuk lli igan tamssurt iḍfarn tagrawt n Kastl Grup.[4]
Tudrt tasrtant
[ssnfl | Snfl asagm]S mas tga agmam ɣ ukabar n ugraw anamur n insimann, tkcm g tnbaḍt s tɣlft n Ɛaziz Axnnuc tg tamawast n umurri d tmguri tabldit d tdmsa tanamunt d tmawast i umnala n tassast n ḍarat n Kufid 19 d ussudr n umurri amṛṛuki lli igan amskar asilan ɣ tdmsa tamṛṛukit.
Tudrt tudmawant
[ssnfl | Snfl asagm]Faṭim Zzahra tiwl tg innas n sin wazzann. Argaz nns iga zzɣ inmɣurn n imaɣlafn ɣ yat tmssurt tamaḍlant. Lliɣ tga tamawast ɣ tnbaḍt, turri d s umṛṛuk ḍarat n mad tddr ɣ Liksamburg d urgaz nns zzɣ usggʷas n 2017.
Tisaɣulin
[ssnfl | Snfl asagm]- ↑ challenge (2021-10-07). "Qui est Fatim-Zahra Ammor, ministre du Tourisme, de l'Artisanat et de l'Economie sociale et solidaire ?". Challenge.ma (s tutlayt ⵜⴰⴼⵔⴰⵏⵙⵉⵙⵜ). Retrieved 2025-06-11.
- ↑ "Maroc : une journée avec Fatim-Zahra Ammor, ministre « tout-terrain » du Tourisme". JeuneAfrique.com (s tutlayt ⵜⴰⴼⵔⴰⵏⵙⵉⵙⵜ). Retrieved 2025-06-11.
- ↑ "Fatim-Zahra Ammor, une marketeuse à la tête du ministère du Tourisme". SNRTnews (s tutlayt ⵜⴰⴼⵔⴰⵏⵙⵉⵙⵜ). Retrieved 2025-06-11.
- ↑ Harrouchi, Mostapha (2021-10-08). "من هي فاطمة الزهراء عمور وزيرة للسياحة والصناعة التقليدية والاقتصاد الاجتماعي والتضامني؟". Le12.ma (s tutlayt ⵜⴰⵄⵔⴰⴱⵜ). Retrieved 2025-06-11.