Fawst
Fawst iga yan uwrik umiyan (illan ɣ umiyn) d ikkan afulkuṛ ajirmani, illa ɣ mnnaw wumiyn d Ifilmn d tmzgunin d ufiratn( opéra ) ig war turda yan ɣ wudmawn akkʷ ttmsallanin ɣ tdlsa Tawrubbit, nnan d is iga yan uxmyan da izznzn ixf nns i iblis ɣ twargit ad yawi tawssna d lfjuj d tnbaḍt, tallast nns ifsr tt yan warism Almani ɣ usggʷas 1587.[1]
Anglizi mi ismn Marluwi icckcm tt s umzgun ɣ 1588, Gut dɣ ntta issusm t, iskr srs sin inidan, yan ɣ 1808, wayyaḍ ɣ tigira n tudrt nns, sin itsn ar ggarn isqsitn ur mddinin (ur kmmlnin) f ufgan d tzdayin nns d ddunit.[1]
Tallast nns
[ssnfl | Snfl asagm]Argaz ad igan umiyan irwas is d tettyaway tnfust nns sɣ kra n yan iddrn nit, arratn imzwura da t bdrnin, ccuckan d talalit nns gr usggʷas n 1460 d 1470 ɣ Hilmsdadt, yat tɣrmt illan tama n Hidlburg, mqqar llant kra n tunɣilin d malnin ar sawalnt f Kundling ɣ Wurtmburg.[1]
Iga yan urgaz amanuz, yus n kra n wusun (abusun), ikk tt inn ar ittmuddu gr mnnawt tmizar ɣ Lalman faɣ ad yaf kra n twuri. Isala ad iṣḥan iskkirn d imkrarn yiri ad yakz isdɣasn n umaḍal ittyaggrn ula wad illan ɣ tafirgama (Amitafiziq), iɣr daɣ tasnakuct d tusnakt d tasnijjit, izzri tizi nns ɣ tasnitran d tximit.[1]
Ism nns Faustus isnamk wad ifrwasn niɣ d wad yumrn.
Fawst iẓṛa t umsksal Ajrmani Filib Fun Huttn, ɣ Laybzig ɣ 1534, ittr as ad as iml imal nns, amggaru ad yuzn s gʷmas yat tbrat inna as gis is ɣʷẓannt tintamin nns akkʷ.
Immut Fawst ɣ ma ittsulun [1]i usggʷas 1537 ɣ yat ɣ irimn nns da isrgn i yan ubaqqay ɣ yat tgnart ɣ lubirj da izdɣ ɣ Stawfn.