Ibn Abi Zarɛ
Abu Lḥasan Ɛali Ibn Abi Zarɛ Al-fasi (s tɛṛabt: أبو الحسن علي بن أبي زرع الفاسي) (immut gr 1310 d 1320) igan yan unmzray, ittuɣal is iga amara n udlis n Ṛawḍ Lqirṭas[1] da isawaln f umzruy n Lmɣrib ig yan zɣ idlisn akkʷ stawhmmanin gr idlisn n umzruy n uzmz amuẓun. Ar daɣ ttinin mas d agllid n Ayt Mrin Abu Saɛid Ɛutman Wis Sin ad t intan ad t yara. Assaɣ (nnasab) nns anmdu, kra n tkkal, ar ittyufka is iga Bn ɛbdllah bn Abi Zarɛ, tikkal yaḍnin ar ittyufka Ibn Muḥammad Ibn Aḥmad Ibn Ɛumaṛ Ibn Abi Zzarɛ. Iga usiki n uslkn f tmagit n umara n Rawḍ lqirṭas tayafut n tugt n tmzarayin n warratn da ittllin zɣ uzmz amuẓun. Idrus bahra mad ittwassann f tudrt nns s wuslid n wis tt inn ikka iga amassan ɣ Fas.
Tusmirin
[ssnfl | Snfl asagm]- ↑ Encyclopedia of Arabic literature: A-J, Vol.1, Ed. Julie Scott Meisami and Paul Starkey, (Routledge, 1998), 307.
Ẓr daɣ
[ssnfl | Snfl asagm]- Ṛawḍ Lqirṭas – tisuɣal ɣ ugns nns.
- Ahmed Siraj: L'Image de la Tingitane. L'historiographie arabe medievale et l'Antiquite nord-africaine. École Française de Rome, 1995. . Yat tusmirt tabiblyugraft igzzuln nna yakkan tisuɣal s imnnitn (iɛṛabn) n imrzzutn imɣribiyn.