Ibn Sina
Ibn Sina niɣ d u-Sina, ism nns anmdu iga Abu Ɛali Al Ḥusayn Ibn Sina, yan uḍbib d yan uflsaf Iṛaniy Anslm, ilul d ɣ Buxara ɣ tsga n Xrasan (Ma igan ɣass ad Uzbakistan) ɣ usggʷas 980 n tlalit, ɣ uwank Asamani, immut ɣ Hamadan ɣ 1037, tawada nns tamsnijjit tssnti zikk, tɣzzif, ig adlis nns "Lqanun" (Aslgn ɣ tsnijjit) lli biddnt tannalin nns f ɣaylli ifl Buqṛaṭ d Galyan, issuɣl tnt sɣ tallatint s Taɛrabt, adasil n ulmmud n tsnijjit ɣ timizar n ugmmuḍ[1].
Idlisn n tflsuft da d ifl, ar d ssktayn ɣ warratn n Suqṛaṭ d Waflaṭun sɣ taysi tagrikt, zun d adlis n "Kitab Al Icarat wa Ttanbihat" (Adlis n tmatarin d tɣḍafin), is fllas inna Rujr Bakun: Amzwar d ugldun n iflsafln[1].