Ill immutn

Ill immutn (S tudayt : יָם הַמֶּלַח, Yām HaMélaḥ, « Ill n tisnt » ; Taɛrabt : ٱلْبَحْرُ ٱلْمَيِّت ^{al-Baḥr al-Mayyit} niɣ d : بَحْر لُوط Bahr-Lût « mer de Loth ») iga yan yill d yuckan gr Iẓṛayl ɣ utaram d Wuṛḍun ɣ yiming, d Filiẓṭin ɣ yiẓẓlmḍ, ur nit igi amr yat tmda n waman illan ɣ 420 mitru ddu tidli n wakal, ɣaylli gis iskrn yan ɣ tnqqaḍṭ akkʷ trmnin ɣ ddunit, ittyawssan daɣ is iga yan ɣ yidɣarn akkʷ marɣnin ɣ yiggi wakal, gisn dili n kṛaḍt tmaḍ n gram n tisnt ɣ yan llitru n waman, ini mrawt tikkal tamarɣt n waman n yigrwan yaḍnin.^[1]

Ism nns

Ism ad nns indi bahra, acku illa yad ɣ wussan sul n igrikn qburnin, ar t ukan nttafa ula ɣ wallasn n Linjil n yisr Bṛahim, d urdal n Sudum d Gumuri da tt inn kkanin zdɣn tama n tmda ad.

Illa as yism ad acku ur gis tlli kra n tudrt, ur illi kra n wanaw n yimudar ula n yimɣayn da iẓẓiḍṛn i tmarɣt nns.^[1]

Tafizikt nns

Wanna yurmn ad iddm aman n yill immutn rad ka ittaywul, yili tiɣʷrdin n tfilalt ad unttaw n Warximid d infalaln ɣ 265 izwarn Yasuɛ, ar ittini is d annid nna ingḍn ɣ kra n umraz (aman) yili ɣ waddad n usunfu, ar iẓẓiḍiṛ yan udwass artakan iwatsn aflla saswa t d usttal n umraz imattin niɣ t yugr.^[1]

Lliɣ ẓḍayn waman marɣnin uggar n waman ẓilnin, rad ijfu (ijhhd) ilmma unttaw ad, ɣayad nit ad issfrun tafilalt ad n waywul.^[1]

Tisuɣal

↑ ^1,0 ^1,1 ^1,2 et ^1,3 Pourquoi la mer Morte s'appelle-t-elle ainsi ? sɣ dar Geo.fr

[:0-1] 1,0 ^1,1 ^1,2 et ^1,3 Pourquoi la mer Morte s'appelle-t-elle ainsi ? sɣ dar Geo.fr

[1]