Imiɣ n 1948

Imiɣ n 1948 (S Taɛrabt: حرب 1948, s tnglizt: War of the 1948) ikka tt inn illa ngr iwunak n Waɛrabn d uwank n Udayn, ig imiɣ amzwaru ingratsn. ig yat tyafut tar asanf dffir yat taẓit iɣzzifn ikkan azgn n tasut ngr Waɛrabn d Udayn tssnti d ulkkum n ugalfu izwarn n imzwagn n udayn s wakal n "Faliṣṭin" niɣ d "Irtz n Yiẓrayl"(Akal n Iẓrayl) ssɣ usammr n Uruppa d mayad ɣ zikka t inn n tmrawt n 1880.^[1]

Imiɣ ad fkan as Waɛrabn ism n "Nnakba" (Tawaɣit) acku yugga d azwag s ifaddn n mad ittggan 700.000 n ufaliṣṭin dffir asnulfu n uwank Aẓrayli.

Tamsɣʷrdint n imiɣ

Iṣhyunn ssaɣn iguyya nnsn d Ṣhyun lli igan yan uwrir ɣ Uquds, ig daɣ yan ɣ ismawn n Uquds ɣ usafr n ttura, ig akkʷ sul ism n wakal n Izrayl) nniln udayn ann s snat tɣawsiwin, tamzwarut tga tt twargit n unmitar (aqawl) amissyan ittilin ɣ tẓallit nnsn takuyast, tis snat ran ad skrn yan uwank igan win udayn ɣ tmazirt nnsn taymmat s uwttas ad rwln i mar-tassamiyt (Anti-Semitism) da ittigutn ɣ Uruppa ɣ wakud ann.^[1] Mayad imyakud d usɣli n tqawmit Taɛrabt (Ibaɛtiyyn) da issntin ssɣ tigira n tasut tis 19.

Ɣ wass n 14 Brayr 1947, abrsira n Bṛiṭanya iɣts ad yall afus nns ssɣ Filṣṭin ifl aslimuṛ n umukris i Tamttiwin Munnin (UN)^[2], ɣ Nwambir n 1947 rad tssmnid UN yan uɣawas afad ad bḍun akal n Filṣṭin s sin iwunak, yan iga win udayn ig wayya win Ifiliṣṭiyn, Iṣhyunn rad qbln s uɣawas nna, Aɛrabn uhu, acku ar ttmnadn is tga tbḍit ann tukkṛḍa n Iṣhyunn i wakal n Waɛrabn.^[3]

Imjṛitn

Tfḍḍa tnbaḍt n Bṛiṭnya nnican kud lli brrḥn Iṣhyunn s tilit n uwank n Iẓṛayl ɣ wassf n 14 Mayu 1948, askka nns nit rad tnkr tsrdast n smmust n iwunak n Waɛrabn ad tn igan d Miṣṛa d Surya d Lubnan d Trans-Uṛḍun d Uɛiraq ad tslk tamazirt n iẓṛayl lli rad tntu tukya nnsn, tzbu akkʷ mad ur idrusn ɣ ikalln lli tzzri UN i Falaṣṭin, Miṣṛa tɣi ma iɣaman ɣ ikalln ttyawfkanin i Falaṣṭin, tamẓ Ɣazza da igan yat tfrst n wakal mẓẓikn gr Iẓṛayl d yill agrakal, yiwi Uṛḍun ma mi ttinin "agʷmmaḍ utrim" (الضفة الغربية) yan yida illan ɣ gr Yiẓṛayl d wasif n Wuṛḍun.

Ɣ wayyur n Ɣuct n 1949, rad d mcuckan Iẓṛayl d iwunak n waɛrabn f ludnt. Ɣ taḍfrut n imiɣ ad kra n 700.000 n ifalaṣṭiyn rad zugn s tmizar yaḍnin, kra gitsn ftan s Wuṛḍun d ugʷmmaḍ utrim, kra ftan s ufrs n Ɣazza, ddun wiyyaḍ s Surya d Lubnan

Tisuɣal

↑ ^1,0 et ^1,1 Morris, Benny. “Staking Claims: The Historical Background.” 1948: A History of the First Arab-Israeli War, Yale University Press, 2008, pp. 1–36. JSTOR, http://www.jstor.org/stable/j.ctt1np9bm.6. Accessed 26 Nov. 2023.
↑ Morris, Benny. “The United Nations Steps In: UNSCOP and the Partition Resolution.” 1948: A History of the First Arab-Israeli War, Yale University Press, 2008, pp. 37–74. JSTOR, http://www.jstor.org/stable/j.ctt1np9bm.7. Accessed 26 Nov. 2023.
↑ The World Book Encyclopedia

[:0-1] 1,0 et ^1,1 Morris, Benny. “Staking Claims: The Historical Background.” 1948: A History of the First Arab-Israeli War, Yale University Press, 2008, pp. 1–36. JSTOR, http://www.jstor.org/stable/j.ctt1np9bm.6. Accessed 26 Nov. 2023.

[2] Morris, Benny. “The United Nations Steps In: UNSCOP and the Partition Resolution.” 1948: A History of the First Arab-Israeli War, Yale University Press, 2008, pp. 37–74. JSTOR, http://www.jstor.org/stable/j.ctt1np9bm.7. Accessed 26 Nov. 2023.

[3] The World Book Encyclopedia

[1]

[2]

[3]