Imil Durkaym
| Imil Durkaym | |
|---|---|
 | |
| afgan | |
| Anaw nɣ asrtu | awtm  |
| Tamazirt n tɣlant | Fṛansa |
| Ism s tutlayt taymmat | David Émile Durkheim |
| Ism n tlalit | David Émile Durkheim |
| Ism amzwaru | Émile |
| Ḍfṛism | Durkheim |
| Asakud n tlalit | 15 Ibrir 1858 |
| Ida n tlalit | Épinal |
| Assf n tmttant | 15 Nuwanbir 1917 |
| Ida n tmttant | Bariz |
| Tamntilt n tmttant | causes naturelles |
| Ma s immut | hémorragie intra-cérébrale |
| Timḍlt | cimetière du Montparnasse |
| Asmun niɣ d Tasmunt | Louise Dreyfus |
| Tutlayin s ar isawal nɣ s ar ittara | Tutlayt Tafransist |
| Tutlayin n tirra | Tutlayt Tafransist |
| Tawuri d mad isala | anthropologue, Aflsaf, sociologue, professeur, historien ou historienne des religions |
| Igr n twuri | sociologie des religions, ethnologie |
| Amswuri dar | université de Paris, École pratique des hautes études, université de Bordeaux |
| Iɣra ɣ | École normale supérieure, lycée Louis-le-Grand, université de Leipzig, université de Bordeaux |
| Directeur ou directrice de thèse | Émile Boutroux |
| Élève de | Numa Denis Fustel de Coulanges, Wilhelm Wundt |
| Doctorant ou doctorante | Marcel Mauss |
| Amḥḍaṛ d unlmad | Marcel Mauss, Maurice Halbwachs, Robert Hertz |
| Asgd d tnbaḍt ɣ ddunit | athéisme |
| Adlis inyafn | Les Formes élémentaires de la vie religieuse, De la division du travail social, Education and Sociology (book) |
| Iga yan ugmam ɣ | Ligue des droits de l'homme |
| Yugm d sɣ dar | Louis de Bonald, Auguste Comte, Herbert Spencer, Montesquieu |
| Statut des droits d'auteur du créateur ou de la créatrice | droits d'auteurs ne pouvant plus être enfreints |
Dafid Imil Durkaym (15 abril 1858 - 15 nuwanbir 1917) iga yan umsnamun afransis. Durkaym ad nit issrsln s ma igan amaddud tasdawit n tsnamunt, ikcm d ɣwilli mi ittɣra s imsdagn imzwura n tsnamunt tatrart, nttan d Marks d Fibir.
Taggat n twuri n Durkaym ar tnggḍ ɣ manmk ad ttɣaman imunn f umyamaẓ nnsn d unya nnsn ɣ uzmz igan atrar, mqqar d yan wakud ɣ ur sul biddn izdayn n usgd d wamun zun d ɣiklli s tt inn kkan yadda, ig yan wakud ɣ kcmnt asays kra n tmrsal timaynutin n wamun. Tannayt n Durkaym tbidd f tɣudiw tamassant n wamun tiwi d ilmma igjda n tsnamunt tatrart. Issmrs imassn n twssna zun d uṭṭunn, d usmaqql amzray afad ad issfsi tinɣi n iman ɣ tgrumma n ikatulikiyn d lbrutistaniyn.
Adlis imqqurn da s izwur Durkaym ɣ tsnamunt iga t "De la division du travail social" (1893; "F tbḍit n twuri tanamunt"). Tiɣrdin nns, ɣ 1895, yura "Les Règles de la méthode sociologique" (Ilugan n tɣarast n twssna n wamun) dɣ usggʷas ann nit, iṛẓm Durkaym ansa amzwaru n tsnamunt ɣ Urubba, ig aslmad amzwaru n tsnamunt ɣ Fransa.
Adlis nns inyafn "Le Suicide" (1897), iskr gis yat tɣudiw n usɣal n tnɣi n iman ɣ tmizar tikatulikin d tibrutistanin, yiws mayann ɣ usngiri gr twssna tanamunt d tnimant d tflsaft d tsrtant.
Ɣ 1898, iskr aɣmis n "L' Année sociologique" (Asggʷas asnamun). Adlis nns "Les formes élémentaires de la vie religieuse" (1912; unnuɣn ifrdasn n tudrt tasgdant) issmnid gis yan uswingm f usgd, ar ittdwwan gr tudrt tanamunt d tdlsant n imunn n zikk d wid uzmz atrar.
Iga Durkheim yan wudm ifduddin ɣ tudrt tawngamt tafransist, iɣama dɣmkann ar ɣasslli immut ɣ 1917. Ifsr yat tiɣri iggutn, yara kigan n idlisn f mnnaw imrsiwn, zun d tasnamunt n twssna d itaggn d iswirn n wamun d usgd d ulmmud d tmagit d ulugn. Yiwi d dids kra n tguriwin zun d "Afrak angraw" da ttinin mddn akkʷ ɣikkad mqqar willi ur ɣranin.
Tudrt nns
[ssnfl | Snfl asagm]Tamazirt n Epinal (Vosges) aɣ d ilul Imil Durkaym, ɣ yat takat n wudayn, babaṣ iga arbban. Macc ntta s ixf nns iga anustik d ur yiri ad ig zun d babas, ikcm tinml yattuyn n islmadn (l'Ecole Normale Supérieure) ig aslmad n tflsuft ɣ usggʷas n 1882. Isslmd azrf d tflsuft ur ta issnti ad ittara f tsnamunt, isslmd ilmma d inn tamtta ad tamaynut ɣ tsdawit n Buṛḍu, fad ad sul issaqqra ɣ Ṣṣuṛbun sɣ usggʷas n 1902.[1]
Umudn nns
[ssnfl | Snfl asagm]Ifl d Durkaym tiɣʷrdin nns mnnaw idlisn ɣ igr n tsnamut, ittyawbdar gisn:
- De la division du travail social (1893),
- Règles de la méthode sociologique (1894),
- Le Suicide, étude de sociologie (1897),
- Représentations individuelles et représentations collectives (1898),
- L'éducation morale (1903),
- Les formes élémentaires de la vie religieuse (1912),
- Education et Sociologie (1922),
- Sociologie et Philosophie (1925),
- L'Evolution pédagogique en France (1938),
- La Science sociale et l'Action (lliɣ yad immut, 1970).