Imnɣi anɣram Alibi (2011)

Tagrawla n Libya
guerre civile, guerre révolutionnaire
Yamu ɣ	printemps arabe, crise libyenne
Lieu	Libya
Ismlan ijɣrafiyn	31°11′44″N 16°31′17″E
Date de début	15 Bṛayṛ 2011
Date de fin	23 Kṭubr 2011

Iga Imnɣi Anɣram Alibi (nɣ Tagrawla Talibiyt) yan umnɣi anɣram nna ibdan ɣ tuẓẓunt n Furar, 2011. Mnnaw Ilibiyn ẓran tinkriwin da ijṛan ɣ tmizar taddjaṛin zun d Tuns d Miṣṛ, irin ad skrn zun d nttnti. Ffɣn d, skrn tiskanin tukṛiḍin mgal tnbbaḍt.^[1] Yazn Ukulunil Mɛmmṛ Lqddafi tigalfin d tdbbabin fad ad isnnzwi tagrawla. Tnkr Lqaɛida dɣ nttat ar tsbiqqiy,^[2] bdun iɣwwaɣn ar smuttugn tanbbaḍt nnsn.^[3] Immut sul Lqddafi ɣ Kṭubṛ, mttn mnnaw wafḍan yaḍnin.

Tuddma n umnzaɣ mgal Lqddafi

Ibda umnzaɣ s mnnawt tskanin tukṛiḍin mgal tnbaḍt d umɣar nns Mɛmmṛ Lqddafi. Ilint mnnawt tskanin mẓẓiynin nna ɣ illa gr 300 d 500 n umdnu ɣ Innayr. Tiskanin mqqurnin ur bdint ar 14 Bṛayṛ 2011. Ifka Lqddafi igm (promesse) is rad kullu ikakl wida dranin ɣ tskanin, "issizdig Libya, tigmmi s tgmmi" ard kullu afuḍn iɣwwaɣn. Maccan kra zɣ iɛṣkṛiyn n Lqddafi bdan ar ttkkan tasga n iɣwwaɣn, munn didsn ɣ Tskanin.

Inn Unssixf n Inɣmisn Ibṛṛaniyn n NBC, Ritcaṛḍ Injl, lli ikcmn s Libya, ilkm Tamdint n Tubruq ɣ 22, Bṛayṛ 2011, "Ur sul igi umussu ad amskan, imnɣi ad iga. Aɣwwɣ innuṛẓmn." ilmma ɣ 22 Bṛayṛ, tglm Da Ikunumist (The Economist) tiskanin wan yat "tgrawla nna ittarmn ad d tkks Libya zɣ ifassn n Wuṭuqraṭ mi akkʷ iɣzzif wakud n tnbaḍt ɣ umaḍal". Ɣ 21 Bṛayṛ, tut Taggalt Talibiyt n Usaylal imskann inɣramn ɣ Ṭṛablus, aylli d yuwin ankaḍ agraɣlan. Ɣ tizi ad, gr 300 d 2000 mmutn, ilin uggar n 5000 n imagusn.

Amnzaɣ ikrrdn

Llan sul imtwiyn mẓẓiynin ar 24 Bṛayṛ, lliɣ yuzn Lqddafi tidbbabin d Taggalin s Misrata, yakʷi fllas.

Ibdu ilmma ɣ 6 Mars, yan usugi anmgal f iɣwwaɣn. Isul usugi ad ar 12 Mars. Irar d Ras Lanuf d Brija. Umẓn iɣwwaɣn anbaḍ lliɣ tbda Tmaddast n Tmyaqqant n Ugafa Aṭlanti (NATO) d tmizar yaḍnin tayti s ugari f taggalin n Lgddafi s taylalin.

Skrn iɣwwaɣn yan usugi anmgal ɣ 27 Mars, isul usugi ad ar 1 Abril, amẓn gis iɣwwaɣn kra n tmdinin.

Amtwi n Misrata ad kullu icqqan gr imtwiyn n Umnɣi ad anɣarm. Tmmaɣ Tgrumma n Ḥmza i Lgddafi mgal Iɣwwaɣn zɣ 24 Bṛayṛ ar 12 Mars. Tkcm nn Tgrumma n Xmis, lli mi illa yiwis n Lqddafi ɣ yixf, druɣ ad kullu tsnnstm tamdint s timmad nns. Nnran iɣwwaɣn ɣ umtwi, nbḍn tamdint.

Tigira

Nnran iɣwwaɣn ɣ Bnɣazi d idɣarn yaḍnin, awin Ṭṛablus ɣ Ɣuct. Ikri yimiɣ ɣ Kṭubṛ, brrḥn ilmma iɣwwaɣn s trnawt nnsn. Ittunɣa Lqddafi s ifassn n iznga nns ɣ 20 Kṭubṛ 2011.

Tisaɣulin

↑ "There Was No Libyan Peaceful Protest, : Information Clearing House: ICH". www.informationclearinghouse.info. Ittwarcifa zɣ aẓuṛan ɣ 2012-06-28. Retrieved 2012-06-19.
↑ Tuesday; October 2011, 11; Thomas, 4:38 pm Article: Frances. "UN silent despite no basis for NATO's illegal war on Libya - Scoop News". www.scoop.co.nz. {{cite web}}: |first2= has numeric name (tiwisi)CS1 maint: numeric names: authors list (link)
↑ Swami, Praveen (25 March 2011). "Libyan rebel commander admits his fighters have al-Qaeda links" – via www.telegraph.co.uk.

[1] "There Was No Libyan Peaceful Protest, : Information Clearing House: ICH". www.informationclearinghouse.info. Ittwarcifa zɣ aẓuṛan ɣ 2012-06-28. Retrieved 2012-06-19.

[2] Tuesday; October 2011, 11; Thomas, 4:38 pm Article: Frances. "UN silent despite no basis for NATO's illegal war on Libya - Scoop News". www.scoop.co.nz. {{cite web}}: |first2= has numeric name (tiwisi)CS1 maint: numeric names: authors list (link)

[3] Swami, Praveen (25 March 2011). "Libyan rebel commander admits his fighters have al-Qaeda links" – via www.telegraph.co.uk.

[1]

[2]

[3]