Islgan n umussu n Nyuṭun

Amnni ad icqqa ad t tfhmt !
Amnni ad gis kra n iwalwn nna ur iẓḍaṛ yan ad tn ifhm iɣ ur issin ɣ umawal iẓlin n tutlayt taclḥiyt tatrart.
Mad igan afssay ? Fad ad tfhmt mad gis illan tzḍart ad tawst i yixf nnk s umawal lli illan ɣ izddar akkʷ n tasna. Iɣ t ur tufit, tzḍart ad nn taggʷt ɣ imawaln d isgzawaln.

Islgan n umussu n Isḥaq Nyuṭun ar skaren azday inger afud da ismussun tazzit d umussu nns.

Aslgn amzwaru

Ar ittini uslgn amzwaru n Nyutun mas ig yat tazzit t-bidd ur attmussu neɣ ar tmussu s yat tazzla timzgit g yan umnid, ira tɣama tazzit ad tɣama tbidd neɣ ra-tɣama tssuda s yat tazzla timzgit mqqar ar fllas ittagez wafud. Aslgn ad i-tt-uyssan s wassaɣ n Aslgn n Tussimt ^[1].

Rad tt nara s ɣmk-ad:

$\sum {\vec {F}}=0\;\Leftrightarrow \;{dv \over dt}=0.$

Aslgn n Tussimt iwfat g tizwiri mass Galilyu Galili yara-t s tɣarast nna s t-nssen, macc ɣir i wmussu afraran f wakal, g yan uzmz yaḍni mass Runi Dikart issmɣur aslgn ad.

Dat Galili tella yat tswingmt mas akk imussuten ifrarann darsen timntal tusridin. Macc Galili iẓẓdar a-ysan seg irimen-ns mas tazzit ittmussun, ra-tɣama ar tmussu mqqar yan afud ar iswwuri bac a tbidd.

Aslgn wiss sin

Aslgn wiss sin n Nyutun iga yan uslgn yakkan yan uglam asmktan n maf-iẓdar yan wafud at isker i wmussu n yat tazzit. ar ittini mas asnfel n tasmkta n umussu g uzmz n yat tazzit inict g umnad d tasmkta i tazduzt (mass) d tazzla-ns. tasmkta n umussu tga zund tazzla, gan imawayen ^[2], darsen ssin tasmkta d amnid.

Afud i-tt-ssurḥen f yat tazzit iẓdar ayssnfel tasmkta n umussu ns, neɣ amnad ns ne iẓdar atn issnfel ssin. Aslgn wiss sin n Nyutun iga yan uslgn akk istawhmman g Tasengama.

Yat tazzit ilan yat tazduzt timzgit $m$ , ras nara :

${\textstyle {\overrightarrow {F}}=m\times {\overrightarrow {a}}}$ neɣ nẓdar at nara s tɣarast yaḍnin : ${\overrightarrow {F}}=m\times {\frac {d{\overrightarrow {v}}}{dt}}$

Ɣid ar nmmal :

${\overrightarrow {F}}$ : Afud
$m$ : Tazduzt
${\overrightarrow {a}}$ : Tazzazt

Maɣ ${\overrightarrow {F}}$ d ${\overrightarrow {a}}$ gan imawayen.

Ig yat tazzit dars afud agnsan,ar ittazzaz s mklli aɣ ttini tagda n uslgn ad wiss ssin n Nyutun. seg tasga yaḍnin ig tazzit ur attazzaz, ur ra-gis ili yan afud agnsan.

Aslgn wiss kraḍ

Aslgn wiss kraḍ n Nyutun ar ittini mas ig darneɣ snat tazziwin, yat ar iṭṭiḍiṣ f wayyaḍ, nẓdar anini mas yan ar issḥruy afud f wayyaḍ s tmkta inicten d imnaden isniln. Aslgn wiss kraḍ ittuyssan s wassaɣ n Aslgn n tigawt d trarit^[3]. Aslgn ad istawhmma bahra g tiɣri n amyas agellal.

Amawal

Aglam = description
Amaway = vector
Agnsan = interior
Tazzit = body
Timzgit = constant
Timntal = causes
Tusridin = direct
Irimen = experiences
Afraran = horizental
Asmktan = quantitative
Asnfel = change
Amussu = momentum
Inict = equal
Amnad = direction
Ssurḥen = applied
Tagda = equation
Iṭṭiḍiṣ = act
Isniln = opposite
Tigawt = action
Agellal = static

Isaɣuln

https://www.britannica.com/science/Newtons-laws-of-motion

Iɣbula :

↑ Amawal n Tasengama (Tafizikt) : https://amaruyidir.files.wordpress.com/2019/09/amawal_amatu_n_tfizikt_tatrart_tafransist-taqbaylit-dc3a9verrouillc3a9.pdf, Tasna tiss 38
↑ Amawal n Tusnakt : http://adrar-inu.blogspot.com/2015/04/lexique-de-mathematiques-amawal-n.html
↑ Amawal Tamaziɣt-Takatalunit : http://www.amazic.cat/dictionary/reaccio/

Aggur:Tussna/Tin imgradn

Isaɣuln

[1] Amawal n Tasengama (Tafizikt) : https://amaruyidir.files.wordpress.com/2019/09/amawal_amatu_n_tfizikt_tatrart_tafransist-taqbaylit-dc3a9verrouillc3a9.pdf, Tasna tiss 38

[2] Amawal n Tusnakt : http://adrar-inu.blogspot.com/2015/04/lexique-de-mathematiques-amawal-n.html

[3] Amawal Tamaziɣt-Takatalunit : http://www.amazic.cat/dictionary/reaccio/

[1]

[2]

[3]